Hai cercato la parola
monolingue
Torna indietro

monolingue

clap s.m.
Toc di piere avonde piçul
sinonimi
balot, cogul, concul, slavare, piere, cret
esempi
"mah, mi pareve che al fos cualchidun che al tiràs claps tai scurets, ma no si viôt nissun"
da "Il muc" di Roberto Ongaro
"la aghe subit in bande si rondole jù cjantant pai claps"
da "Il mulin" di Dino Virgili
clap s.m.
Toc di piere no tant piçul, tant di jessi doprât par esempli, tant che materiâl di costruzion, se al ven doprât insiemi cun "piere" al pues segnâ tocs un pôc plui piçui o mancul preseâts o mancul lavorâts
sinonimi
cret, piere
esempi
"une cjasute di clap di pît sù cun trê scjalins di piere, il fogolâr e une Madone piturade sul mûr"
da "Come tai romançs" di Alan Brusini
"ducj i claps, ducj i claps di chê muraie / jo ninine ju ai contâts / a son mil tresinte cuindis / se no ai dismenteât "
da "" di Popolâr
"Guri al cjale il mûr gnûf: claps grancj, claps piçui, modon, e tai jenfris, scais cu la malte"
da "La aghe da pît la cleve" di Dino Virgili
clap s.m.
Materiâl minerâl
sinonimi
piere, cret
esempi
"di laudâ no vuei cjapâmi l'impegn, parcè che o soi persuadût che a nol sedi di dî ben altri che di me e de mê famee di clap [lis statuis di place Contarene]"
da "Florean dal Palaç, I, 1" di Guido Antonioli
"un lastron di clap ben scuadrât"
da "Lis leiendis di Buie" di Pieri Menis
clap s.m.
Spice di cret, massime tai toponims
sinonimi
cret, crete
esempi
"il Clap dal Agnel al è un spiç di dolomie di etât noriche, di plui di 200 milions di agns indaûr"
clap s.m.
Toc di piere, in câs ancje segnât di scritis, doprât par segnâ un confin
sinonimi
tiermin
esempi
"Diu nus vuardi a tocjâ i claps tai cjantons dal cjamp, al è come robâ"
"[insom dal paîs] sot il ferâl al jere il clap cul non di Rivuinis di sù"
da "La aghe da pît la cleve" di Dino Virgili
clap s.m.
Lastre di piere che e segne une tombe
sinonimi
lapide, tombâl
esempi
"la glesie e je adalt de crete [...] e il cimitieri in bande cul ristiel sierât dongje, e la jerbe sul prât che e tapone i claps e i nons"
da "In scolte..." di Dino Virgili
clap s.m.
[CO] (med.) Concrezion cristaline di sâi minerâi o di materiâl organic che si forme in cierts orghins
sinonimi
calcul, piere, renele
esempi
"un an pre Pitin al jere tal Ospedâl di Udin, cui claps intal fiât"
da "Pre Pitin" di Antoni Beline
proverbi
"clap che si môf nol fâs muscli"
"di un clap si vuardisi ma di une malelenghe no"
"gote spesse e fore il clap"
"il clap al è fûr e il diaul al è daûr"
"il clap che nol fâs muscli al è un mâl clap"
"il mat al bute il clap tal poç e il savi al scuen gjavâlu"
"il traditôr al trai il clap e al scuint la man"
"la cjase dai contents e je ancjemò di fâ, e no cjatin claps di fabricâ"
"miôr il clap che no la buse"
"no mai fâ un mûr se si viôt un clap cu la ponte infûr"
Torna in Cima