Hai cercato la parola
monolingue
Torna indietro

monolingue

classe s.f.
(cla-sse)
Complès di personis che dentri de societât a son caraterizadis di elements in comun, tant che la ricjece, la profession, il nivel te scjale jerarchiche e v.i.
sinonimi
categorie, fasse, ordin, ranc, stât, strât, grup
esempi
"il Parlament [sot Vignesie] nol rapresentà plui il Friûl, ma nome une classe, une minorance privilegjade e cjalade di neri dal alt e dal bas"
da "Cuintristorie dal Friûl fin sot la Italie" di Josef Marchet
"a viodi cun favôr il procès di formazion dal stât cu lis sôs misuris centralistichis, e jere soredut la classe dai marcjadants, dai banchîrs par vie che regulis unificadis e control dal teritori a favorivin la lôr ativitât e la lôr sigurece"
da "La invenzion dal stât" di Fabian Ros
"la disgracie te disgracie e je che nô furlans no vin une classe politiche nostrane, autonome, libare, cussiente"
da "La eterne lote dai furlans" di Antoni Beline
Vedi anche: clas
classe s.f.
(cla-sse)
Categorie di robis, di marcjanzie che e à carateristichis in comun
sinonimi
categorie
esempi
"fâ une comparazion tra plui machinis de classe des utilitariis"
classe s.f.
(cla-sse)
[TS] (gram.) Grup di elements linguistics individuâts su la base des lôr carateristichis formâls
esempi
"se si san lis desinencis de prime e de seconde declinazion dai sostantîfs latins, no son problemis a imparâ i adietîfs de prime classe"
classe s.f.
(cla-sse)
[TS] (biol.) Categorie sistematiche plui grande dal ordin e plui piçule dal phylum
esempi
"i insets a son une classe dal phylum dai artropots, cun plui ordins tant che i imenotars, i lepidotars, i coleotars e altris"
classe s.f.
(cla-sse)
Jeve dai soldâts nassûts tun ciert an
sinonimi
an, jeve
esempi
"- Pardabon crodêso che e vignarà la vuere? - [...] - No si sa. - al disè cuntune vôs delicade - fat al è che a riclamin ancje lis classis prime de mê. Nol somee un bon segnâl…"
da "Trê feminis" di Gianni Gregoricchio
"e je reclamade la mê classe, îr di sere mi àn puartât la cartuline rosse i carabinîrs"
da "Vilie di Nadâl" di Pieri Somede dai Marcs
classe s.f.
(cla-sse)
An di scuele
esempi
"finît l'an di scuele, mi veve passât ae seconde classe, e cussì l'an dopo mi soi presentât al mestri Bastian"
da "A scuele" di Pieri Menis
"si preparin i tescj e materiâi multimediâi par ogni materie e par ogni classe des scuelis mediis"
da "Memoriis di politiche linguistiche" di Adrian Cescje
classe s.f.
(cla-sse)
Tai traspuarts, distinzion di puescj e servizis pai viazadôrs, cun presits diviers
esempi
"a jerin dôs poltronis, simpri dal model dal sofà: cul vilût vert cuadretât di neri, come chel dai vagons di prime classe"
da "Il muc" di Roberto Ongaro
classe s.f.
(cla-sse)
Maniere di fâ e di vistîsi fine
sinonimi
distinzion, elegance, finece, rafinatece, stîl
esempi
"savê vistîsi cun classe"
Torna in Cima