Tu âs cirût la peraule
monolengâl
torne indaûr

monolengâl

classe s.f.
(cla-sse)
Complès di personis che dentri de societât a son caraterizadis di elements in comun, tant che la ricjece, la profession, il nivel te scjale jerarchiche e v.i.
sinonims
categorie, fasse, ordin, ranc, stât, strât, grup
esemplis
"il Parlament [sot Vignesie] nol rapresentà plui il Friûl, ma nome une classe, une minorance privilegjade e cjalade di neri dal alt e dal bas"
gjavât fûr di "Cuintristorie dal Friûl fin sot la Italie" di Josef Marchet
"a viodi cun favôr il procès di formazion dal stât cu lis sôs misuris centralistichis, e jere soredut la classe dai marcjadants, dai banchîrs par vie che regulis unificadis e control dal teritori a favorivin la lôr ativitât e la lôr sigurece"
gjavât fûr di "La invenzion dal stât" di Fabian Ros
"la disgracie te disgracie e je che nô furlans no vin une classe politiche nostrane, autonome, libare, cussiente"
gjavât fûr di "La eterne lote dai furlans" di Antoni Beline
Viôt ancje: clas
classe s.f.
(cla-sse)
Categorie di robis, di marcjanzie che e à carateristichis in comun
sinonims
categorie
esemplis
"fâ une comparazion tra plui machinis de classe des utilitariis"
classe s.f.
(cla-sse)
[TS] (gram.) Grup di elements linguistics individuâts su la base des lôr carateristichis formâls
esemplis
"se si san lis desinencis de prime e de seconde declinazion dai sostantîfs latins, no son problemis a imparâ i adietîfs de prime classe"
classe s.f.
(cla-sse)
[TS] (biol.) Categorie sistematiche plui grande dal ordin e plui piçule dal phylum
esemplis
"i insets a son une classe dal phylum dai artropots, cun plui ordins tant che i imenotars, i lepidotars, i coleotars e altris"
classe s.f.
(cla-sse)
Jeve dai soldâts nassûts tun ciert an
sinonims
an, jeve
esemplis
"- Pardabon crodêso che e vignarà la vuere? - [...] - No si sa. - al disè cuntune vôs delicade - fat al è che a riclamin ancje lis classis prime de mê. Nol somee un bon segnâl…"
gjavât fûr di "Trê feminis" di Gianni Gregoricchio
"e je reclamade la mê classe, îr di sere mi àn puartât la cartuline rosse i carabinîrs"
gjavât fûr di "Vilie di Nadâl" di Pieri Somede dai Marcs
classe s.f.
(cla-sse)
An di scuele
esemplis
"finît l'an di scuele, mi veve passât ae seconde classe, e cussì l'an dopo mi soi presentât al mestri Bastian"
gjavât fûr di "A scuele" di Pieri Menis
"si preparin i tescj e materiâi multimediâi par ogni materie e par ogni classe des scuelis mediis"
gjavât fûr di "Memoriis di politiche linguistiche" di Adrian Cescje
classe s.f.
(cla-sse)
Tai traspuarts, distinzion di puescj e servizis pai viazadôrs, cun presits diviers
esemplis
"a jerin dôs poltronis, simpri dal model dal sofà: cul vilût vert cuadretât di neri, come chel dai vagons di prime classe"
gjavât fûr di "Il muc" di Roberto Ongaro
classe s.f.
(cla-sse)
Maniere di fâ e di vistîsi fine
sinonims
distinzion, elegance, finece, rafinatece, stîl
esemplis
"savê vistîsi cun classe"
torne sù