Tu âs cirût la peraule
monolengâl
torne indaûr

monolengâl

clopâ v.intr.
(clo-pâ)
Movisi in maniere malsigure
sinonims
cloteâ, balâ, clupignâ, pendolâ, triculâ, zighiâ
esemplis
"il capo si ferme, / al polse un minût; / i clopin lis gjambis, / al è plen come un gût"
gjavât fûr di "Ai Piombi" di Romeo Battistig (?)
"o vin stentât a fâ lis astis cun chei penâi di cjanusse par vie che il penin impirât fra la scusse e la medole al clopave"
gjavât fûr di "Il gno prin mestri" di Pieri Somede dai Marcs
clopâ v.intr.
(clo-pâ)
Jessi intune situazion di inciertece, esitazion (fig.)
sinonims
cloteâ, clupignâ, pendolâ, triculâ, zighiâ
esemplis
"chei altris partîts, che in timp di polse a clopin di ca e di là, a cjaparan posizion a favôr de riforme, ma cun tantis limitazions e cun tantis risiervis di no spaventâ lis animutis timoradis dai conformiscj di ogni sete"
gjavât fûr di "Diferencis" di Josef Marchet
clopâ v.intr.
(clo-pâ)
Jessi li li par inmalâsi (fig.)
esemplis
"e començà a clopâ; no mangjave vulintîr, cence savê parcè si meteve a vaî"
gjavât fûr di "Pascute" di Pieri Menis
clopâ v.intr.
(clo-pâ)
Jessi li li par indurmidîsi
esemplis
"la frute e clopave e intun moment e fo une altre volte indurmidide"
gjavât fûr di "Trê feminis" di Gianni Gregoricchio
clopâ v.tr.
(clo-pâ)
Movi di ca e di là
esemplis
"il miedi al veve clopât il cjâf; po al clamà in bande Guri e i disè di no fâi fâ nuie [ae femine che e spietave un frut], e di no lassâle mai bessole"
gjavât fûr di "La aghe da pît la cleve" di Dino Virgili
detulis
"a clopin plui i zenoi di disore a vignî jù, che no di abàs a lâ insù"
"e clope ancje la code dal mus, ma no cole"
torne sù