SuperDizionari

colade s.f.
(co-la-de)

Il colâ, il lâ jù par fuarce di gravitât

sinonims

cjadude, sdrumade

esemplis

"la colade [cul parecjadudis] e deventà plui dolce. Al fo scuasit un dandanâsi tal aiar, un sintîsi cence pês come in cualchi sium"

gjavât fûr di "Cjase di Dalban" di Maria Forte

"cul bot de colade il len de crôs, za frait, al jere lât in flichignis"

gjavât fûr di "Il Signôr sul mûr de braide" di Pieri Menis

colade s.f.
(co-la-de)

Il cessâ di vê fuarce, validitât, resistence, esistence e v.i. (fig.)

sinonims

cjadude, sdrumade, fin

esemplis

"[i Ostrogôts] dopo de colade dal imperi roman, a vevin tornade a meti in sest avonde ben lis robis"

gjavât fûr di "La vite no je cuintriposizion di valôrs ma armonie di realtâts complementârs" di Francesc Placerean

"o continui ancjemò a clamâle cussì. DDR. O soi restât fer a prime de colade dal mûr"

gjavât fûr di "La maree nere" di Checo Tam

colade s.f.
(co-la-de)

Il lâ jù di cuantitât, intensitât, valôr o sim (fig.)

sinonims

cjadude, crac, sdrumade, câl, calade, diminuzion, sbassament

esemplis

"un disalineament dai nivei eletronics fra i materiâi che a formin la cele che al compuarte une colade di tension dentri la cele"

gjavât fûr di "Lis celis organichis nanostruturadis" di Lorenzo Marcolini

colade s.f.
(co-la-de)

Cuantitât di robe che e ven jù o che e je picjade, e pindule o sim.

esemplis

"si jere fermade denant de Madone, che e someave vive sul trono lusint, tal sflandôr des cjandelis impiadis, come une regjine di flabe, cun chê colade di aur che i ricamave il vistît di sede blancje dal cuel fin a la cinturele"

gjavât fûr di "Chei di Muraie" di Pieri Menis

monolengâl