SuperDizionari

comission s.f.
(co-mi-ssi-on)

Contrat par puartâ insom un lavôr

sinonimi

comande, ordin, incjarie, contrat, mandât, afidament, afâr, vore

esempi

"La nestre imprese e à cjapât comissions inte Gnove Scozie, tal Labrador, te Terranova, simpri in Canadà. Lavôrs considerâts jenfri i plui grancj e interessants de nazion"

da "Interviste a Manlio Collavino" di Christian Romanin

"chei altris a son artesans, che a lavorin daûr comission direte"

da "Liniis di storie sociâl e economiche dal Friûl 1500 – 1800" di Adrian Cescje

comission s.f.
(co-mi-ssi-on)

Piçul impegn par cuistions burocratichis, par comprâ alc o sim.

sinonimi

afâr, assum, facende, impegn, incombence

esempi

"lu veve clamȃt par compagnȃle par comissions che e doveve fȃ, intant che al vuidave cidin jȇ imbastive un discors par judȃlu a liberȃsi di chel pȇs che al puartave te anime"

da "Lâ daûr dai siums" di Egle Taverna

comission s.f.
(co-mi-ssi-on)

Ricompense che e spiete a cui che al fâs di intermediari, di rapresentant e v.i.

sinonimi

compens, davê, percentuâl, ricompense

esempi

"[cu la jentrade dai euros in Slovenie] nie plui spesis di comission a pro di bancjis, pueste e privâts che a cambiin i bêçs"

da "Cui euros in Slovenie" di Alessio Potocco

comission s.f.
(co-mi-ssi-on)

Grup di personis che al à di davuelzi ciertis funzions o une incjarie lavorant adun, esaminant, cjapant decisions o dant conseis e v.i.

sinonimi

coleç, comitât, consei, delegazion, deputazion, jurie, zonte

esempi

"[il Consei de Provincie di Udin dal 1986] al istituive la comission pe normalizazion de grafie de lenghe e al ricognosseve il risultât des sôs decisions"

da "Memoriis di politiche linguistiche" di Adrian Cescje

"i "progjets" di autonomie a restarin turclâts e disvuedâts par ordin che a passavin di une Comission a chê altre"

da "Autonomie e moralitât" di Josef Marchet

"nol è timp di pierdi, i fruts dal esam a son che a spietin, la comission ancje, bisugne jentrâ subite e tacâ i esams de scuele"

da "Amîs come prime" di Alan Brusini

monolingue