SuperDizionari

comoditât s.f.
(co-mo-di-tât)

Cundizion di stâ ben e comuts, mancjance di elements che a dan fastidi

esempi

"e scomençà a usâsi a la comoditât e a la ricjece"

da "Ombris tal infinît" di Carlo Sgorlon

"chês robis di valôr [...] almancul tai museus al è cui che al sa conservâlis e comedâlis, e ducj po lâ a viodilis e a studiâlis cun comoditât"

da "Lis predicjis dal muini" di Josef Marchet

comoditât s.f.
(co-mo-di-tât)

Cualitât di jessi comut, di fâ stâ ben, di permeti di stâ o di fâ alc cence fastidis

esempi

"al traviersà la Italie e mieze Europe predicjant [...]. Une fature mostre, des voltis slizeride cu la comoditât cetant relative di un biroç"

da "Campion di Europe" di Amedeo Grab

comoditât s.f.
(co-mo-di-tât)

Element che al fâs stâ comut, che al fâs stâ ben

sinonimi

comut, lus

esempi

"al comedà la cjase e si de dutis chês comoditâts che nol veve mai vudis in vite sô"

da "Cretevierte" di Roberto Ongaro

"jê no jere usade cussì, jê e voleve lis sôs comoditâts: ce valevie jessi siore se in chel paîs bandonât ancje di Diu no jerin buteghis par podê spindi?"

da "Il sium di Lissandri" di Franca Mainardis

monolingue