SuperDizionari

monolingue

competent adi., s.m.
(com-pe-tent)

Che, cui che al à la capacitât, la esperience e lis cognossincis che a coventin par fâ alc

sinonimi

abil, babio, ben inferât, brâf, bulo, dret, espert, franc, industriât, navigât, pratic, savût, sfrancjât, valent, intendent, studiât, capaç, cualificât, scjalterît

esempi

"nissun o scuasi nissun dai umign preparâts e competents di chenti nol podè mai meti la çate tes facendis di cualchi impuartance"

da "Fûr cui che i tocje" di Josef Marchet

"un sindic che al passe par persone oneste e competente"

da "Fra lis letaris e la politiche" di Antoni Beline

competent adi., s.m.
(com-pe-tent)

Che, cui che al à la autoritât, la jurisdizion, la responsabilitât intun ciert cjamp

sinonimi

responsabil

esempi

"a àn dit che il Tribunâl nol jere competent, parcè che si tratave di reât di stampe"

da "Florean dal Palaç, I, 1" di Guido Antonioli

"ca, ogni doi agns, infalibil, si riunìs la Comission competente e, dopo profondidis analisis di marcjât e lungjis e esaurientis discussions, e decît di judâ il contadin"

da "Agriest: cjalâ e no tocjâ" di Riedo Pup

Torna in Cima