SuperDizionari

componi v.tr.
(com-po-ni)

Meti dongje, spec. intun ciert ordin

sinonims

dâ dongje, fâ dongje, meti adun, meti dongje

esemplis

"mosaiciscj, famôs e preseâts in dut il mont pe lôr abilitât tal taiâ lis pieris e tornâ a componilis in figuris"

gjavât fûr di "Il misteri dai Mosaics" di Angelo Floramo

"o esel dome che jo i discusivi la zent dal sio jessi e i la componevi ta la mê flaba?"

gjavât fûr di "Fat di voladia" di Novella Cantarutti

componi v.tr.
(com-po-ni)

Ideâ e produsi une opare di art, massime musicâl o leterarie

sinonims

butâ jù, creâ, dâ dongje, distindi, ideâ, imagjinâ, inventâ, meti jù, produsi, prontâ, realizâ

esemplis

"Wranty Venceslav [...] a Gurize al à componût tante musiche sacre, conservade tal archivi storic provinciâl"

gjavât fûr di "Gurize, tiere di musiciscj e di compositôrs" di Alessio Screm

"la famose cuistion omeriche: la discussion prin di dut se il stes autôr al vedi componût sedi la Iliade che la Odissee"

gjavât fûr di "Jentrade de Odissee" di Sandri Carrozzo, Pierluigi Visintin

componi v.tr.
(com-po-ni)

Fâ finî une discussion, une barufe, un contrast e sim. intune maniere acetade e condividude

sinonims

conciliâ, cuietâ, disbratâ, distrigâ, justâ, pacificâ, padinâ

esemplis

"a jerin nassudis tensions internis che il president Sclâf nol rivave plui a componi"

gjavât fûr di "Memoriis di politiche linguistiche" di Adrian Cescje

componi v.tr.
(com-po-ni)

Preparâ un muart pal funerâl

esemplis

"e je lade jê a componilu, chel muart"

gjavât fûr di "Il cop" di Laurin Zuan Nardin

monolengâl