SuperDizionari

concors s.m.
(con-cors)

Forme di competizion par rivâ a un premi, a une vitorie

sinonims

competizion, gare, premi

esemplis

"il concors [dal Premi Friûl] inmaneât fintremai dal 1982 par promovi lis gnovis creazions artistichis furlanis al veve dât mût a tancj artiscj di fâsi cognossi"

gjavât fûr di "Un Friûl difarent: i 90 mhz di Onde Furlane" di Max Mauro

"concors tant che S. Simon a Codroip, il Zâl par furlan a Spilimberc, Emozions d'ingjustri a Basilian, In trê riis ai Colonos di Vilecjaze a mostrin une cierte vivarositât te produzion leterarie furlane"

gjavât fûr di "E par furlan?" di Venusia Dominici

concors s.m.
(con-cors)

Forme di selezion bandide di une istituzion o di une organizazion privade par assegnâ incarghis, puescj di vore, apalts e v.i.

esemplis

"i fantats no vevin voie di lavorâ pai cjamps. Finît il militâr, o che a fasevin concors par jentrâ in ferovie, o che a lavin a imparâ il mecanic, o che a vierzevin un distributôr di benzine"

gjavât fûr di "Prime di sere" di Carlo Sgorlon

concors s.m.
(con-cors)

[BF] Il lâ intun ciert puest di plui int

esemplis

"savarês che doman / varìn sagre a Bolzan; / e si ûl fâle cui flocs / parcè che si à di vê un concors imens / di siôrs e di pitocs"

gjavât fûr di "Pronostic par l'an 1936" di Pieri Çorut

concors s.m.
(con-cors)

[BF] Il vê responsabilitât e impegn insiemi cun altris

esemplis

"proviodi al ben di ducj cul consens e cul concors di ducj"

gjavât fûr di "No stait a vê pôre di vê coragjo" di Antoni Beline

monolengâl