SuperDizionari

concret adi.
(con-cret)

Che al corispuint ae realtât, che al è te realtât o pussibil te realtât

sinonims

positîf, pratic

esemplis

"une schirie di misuris concretis di meti in vore"

gjavât fûr di "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf

"al saveve che a jerin fats vêrs, concrets, pursì nol rivave a jentrâ inte realtât di ce che pardabon al jere sucedût"

gjavât fûr di "Trê feminis" di Gianni Gregoricchio

concret adi.
(con-cret)

Che si concentre su ce che al è te realtât, su ce che al è di fâ o su ce che si pues fâ, no su teoriis

sinonims

positîf, pratic

esemplis

"Fatime e Bruno, plui concrets di jê, a fasevin un grum di conts par valutâ la ereditât di Eve"

gjavât fûr di "Ombris tal infinît" di Carlo Sgorlon

"i furlans a son int concrete, che no si fâs cjapâ mâl par un risultât negatîf"

gjavât fûr di "Interviste a Dino Zoff" di Christian Romanin

concret s.m.
(con-cret)

Dome sing., chel che al esist te realtât o che al pues esisti, che si à di fâ o che si pues fâ

esemplis

"ve mo che la idee dal svindic e scomençave a cjapâ forme in concret"

gjavât fûr di "Il muc" di Roberto Ongaro

"a chest pont al valarès la pene di vignî plui al concret, dopo di vê cirût di capî parcè che si fâs la fieste di vuê"

gjavât fûr di "In non di Diu scomençait!" di Francesc Placerean

monolengâl