SuperDizionari

torne indaûr

monolengâl

consumâ v.tr.
(con-su-mâ)

Fâ che alc si ridusi o ancje che al finissi, al sparissi, si ruvini o al vedi un cost a fuarce di doprâlu (ancje fig.)

sinonims

roseâ, fruiâ

esemplis

"jo no soi colpe se lui al consumave buine part de stagjon, in aconts"

gjavât fûr di "Mabile la Lunghine" di Maria Forte

"distude chel argagn che von Grimoaldo si rabie se tu consumis masse lûs!"

gjavât fûr di "Sense" di Checo Tam

"done Cheche i veve bruntulât disint che e veve consumât masse savon a lavâi chei cuatri sbrendui"

gjavât fûr di "Il tesaur di done Cheche" di Pieri Menis

consumâ v.tr.
(con-su-mâ)

Di sfuarç, malatie o ancje di sintiment, sensazion, pinsîr e v.i., produsi un stât di tension che al sbasse lis fuarcis di cdn. (fig.)

sinonims

mangjâ, brusâ, roseâ, ruvinâ, disfâ, scunî, tumiâ

esemplis

"lu vevin ricoverât par judâlu a sopuartâ il mâl che lu consumave"

gjavât fûr di "Memoriis di politiche linguistiche" di Adrian Cescje

"la passion che mi consume / a nissun plui la dirai, / par che il cîl e ancje lis stelis / a mi àn dit che no po stâi"

gjavât fûr di "A no po stâi" di Anute Fabris

consumâ v.tr.
(con-su-mâ)

Vivi une esperience fin ae fin, fin ai siei ultims risultâts o aes sôs consecuencis estremis (fig.)

esemplis

"un amôr sclopât a colp e subit vivût come che o vessin furie di consumâlu fin insom"

gjavât fûr di "Trê feminis" di Gianni Gregoricchio

"al sintive se stes no tant come un individui, ma pluitost come il rivoc di un altri che al ves za consumade la sô vite, e che di lui nol restàs nuie altri che la ombrene e la memorie"

gjavât fûr di "Il dolfin" di Carlo Sgorlon

detulis

"amôr al fâs amôr, crudeltât lu consume"

"bocje e fum a consumin dut"

"consumâts i peltris, e ven la ore di meti i dincj su la gratule"

"il timp al consume dut"

torne sù