SuperDizionari

monolengâl

conte s.f.
(con-te)

Spec. tai zûcs dai fruts, cont par stabilî cui che i tocje di stâ sot, di fâ alc, di lâ di une cierte bande e v.i.

esemplis

"i fruts a àn fate la conte par fâ lis dôs scuadris"

"Il Cocul al diseve di seisi salvât te conte [pe decimazion] par un numar e al zontave che, adets ae cure, a jerin i carabinîrs «cuntun cjapielon sul cjâf e une palandrane intor che a someavin muiniis di ospedâl»"

gjavât fûr di "Come tai romançs" di Alan Brusini

conte s.f.
(con-te)

[TS] (sport) Intal pugjilât e inte lote, il contâ i seconts regolamentârs che a coventin par declarâ la sconfite di un pugjil o di un lotadôr che al è par tiere

sinonims

cont dai seconts, conte dai seconts

conte s.f.
(con-te)

Il vierzi e l'esaminâ, di bande di cui che al è president di un seç eletorâl, des schedis compiladis e depositadis dai partecipants a une votazion par stabilî, midiant di un scrutini, i risultâts

esemplis

"a son siglis che a rapresentin dome une o dôs personis e a puartin ae sintesi la corse eletorâl dome par chês personis. Partîts personaliscj. Ae conte dai vôts chestis robis a burissin fûr"

gjavât fûr di "Interviste a Federico Simeoni" di Oscar Puntel

conte s.f.
(con-te)

Descrizion ordenade di alc che si disglagne in maniere plui o mancul complesse

esemplis

"la depression si scuvierç scoltant lis esperiencis riferidis dal pazient e lis contis di parincj o di amîs sui cambiaments tal compuartament"

gjavât fûr di "Jù di cuarde. Ce fâ" di Guglielmo Pitzalis

conte s.f.
(con-te)

Cualsisei narazion popolâr

sinonims

storie, liende

esemplis

"«Une anime di pene che e spiete di jessi diliberade!» Al pensà Nardin, visantsi des contis de none, cuntun sgrisul"

gjavât fûr di "La fogolade dal bosc" di Josef Cjargnel

"l'ultin [salvan] si dîs che lu vedin copât tai boscs dongje di Lauc, ma altris contis a disin che ator a 'nd è ancjemò, ancje se a stan platâts e al è dificil viodiju"

gjavât fûr di "Friûl di Magance" di Sandri Carrozzo

"uì drenti [te farie] jo i posti il Signour, dome che a mi vegni tal cjâf la conta dal «Mestri sora ducj i mestris»; i jôt sant Pieri sul incugn e Crist che al lu fai deventâ fantat cun doi colps di marcjel"

gjavât fûr di "Cocali" di Novella Cantarutti

conte s.f.
(con-te)

Narazion di fats vêrs o inventâts, cun intindiment leterari

esemplis

""Mandi, Catia. Ce leistu di biel?" Jê mi mostre il libri. A jerin lis contis di Joyce"

gjavât fûr di "I forescj" di Alan Brusini, Gian Paolo Linda

" i sarès plasût di lei contis e romançs. Ricardo di sigûr a 'nt veve, e jai varès imprestâts vulintîr"

gjavât fûr di "Prime di sere" di Carlo Sgorlon

detulis

"conte i tiei botons e po tu contarâs i miei"

"se tu vûs fâ savê une robe, contile in segret"

"se tu vûs sparniçâ une robe, contile in segret"

torne sù