SuperDizionari

contribût s.m.
(con-tri-bût)

Jutori dât di bande di cdn. pal ben di ducj

sinonims

contribuzion, jutori, sussidi

esemplis

"o speri di vê rivât a dâ un piçul contribût pe valorizazion de nestre art"

gjavât fûr di "O ai scrit pal gno popul" di Erika Adami

contribût s.m.
(con-tri-bût)

Sume di bêçs paiade a un ent public pal so funzionament o par servizis di interès comun

sinonims

tasse, impueste, tribût

esemplis

"i patriarcjis, ancjemò tal XI secul, a varan tacât a clamâ dongje i lôr feudataris, ogni volte che al jere par aiar alc di grues, par sintî la lôr opinion e par intindisi sul cont de «taie» feudâl (che al ven a jessi sul numar dai soldâts e dai cjavai che a podevin mandâ tal esercit patriarcjâl) e su la division dai contribûts in monede"

gjavât fûr di "Cuintristorie dal Friûl fin sot la Italie" di Josef Marchet

contribût s.m.
(con-tri-bût)

Sume di bêçs paiade, part dal datôr di lavôr, part dal lavoratôr, pe previdence sociâl

sinonims

contribût previdenziâl

esemplis

"mi domandin cui che al fâs fâ chescj lavôrs te glesie, dulà che o ai cjolt il materiâl, dulà che o ai la licence di costruî, cemût che o ai cjatâts i lavorents, ce paie che ur doi, se o ai paiadis lis sigurazions e i contribûts"

gjavât fûr di "Lis predicjis dal muini" di Josef Marchet

contribût s.m.
(con-tri-bût)

Jutori finanziari dât di ents publics a personis, comunitâts, istituzions e v.i. che a vedin bisugne, par fâ une ativitât che e ven calcolade di interès gjenerâl

sinonims

jutori, finanziament, sussidi

esemplis

"za fa doi agns o trê, i contadins a àn tirât miliarts di contribûts par comprâ vacjis di lat e manzis plenis"

gjavât fûr di "Ocjo di no pintîsi" di Riedo Pup

"daûr de leç, ogni Provincie e à di istituî une Comission pal control des domandis di contribût des sociis dal teritori"

gjavât fûr di "Memoriis di politiche linguistiche" di Adrian Cescje

contribût s.m.
(con-tri-bût)

Pês, influence parziâl intun fenomen o intun contest gjenerâl

esemplis

"tra lis regjons di partence il contribût plui grant [te emigrazion] al è rivât, daûr dal ordin, dal Abruç, dal Venit, de Pulie e de Sicilie"

gjavât fûr di "La emigrazion dal Friûl - Vignesie Julie te Belgjiche" di Francesco Micelli

contribût s.m.
(con-tri-bût)

Ricercje, document, publicazion e v.i. che e jude a slargjâ lis cognossincis intun ciert setôr

esemplis

"un contribût di Roberto Iacovissi dedicât a Giorgio Faggin e aes sôs traduzions par furlan di impuartantis oparis tiradis fûr des leteraturis forestis"

gjavât fûr di "Un voli su la culture furlane" di Erika Adami

monolengâl