Tu âs cirût la peraule
monolengâl
torne indaûr

monolengâl

control s.m.
(con-trol)
Il viodi e verificâ par savê la regolaritât, la funzionalitât, la salût, la justece e v.i.
sinonims
prove, aciertament, ispezion, provin, verifiche, visite, revision
esemplis
"daûr des tipologjiis diferenziadis di certificazion e di garanzie, a operin, pal control e pe atribuzion di une marche, ents autonoms e indipendents, istituzions publichis o un coordenament di ents"
gjavât fûr di "Guide par un consum just e solidâl" di Buteghe dal Mont, Luche Nazzi
"nol è un control reâl di cualitât de esecuzion dai progjets"
gjavât fûr di "Efiets economics e ocupazionâi des leçs di tutele de lenghe furlane" di Sandri Carrozzo, Linda Picco
"a siet e rivave la diplomade pes punturis o pai prelevaments (i 'nt fasevin ancjemò doi in dì, pal control des "amilasis" e des "gamma-gt" che a restavin ancjemò altis come valôr…)"
gjavât fûr di "Tal ospedâl" di Amedeo Giacomini
"tal doman al varès mandât a fâ un control, sù pe nape, un spacecamin"
gjavât fûr di "Cretevierte" di Roberto Ongaro
control s.m.
(con-trol)
Il savê e podê intervignî intune situazion, intun procès, intune ativitât e v.i., in maniere di vê un efiet cussient
sinonims
domini, paronance
esemplis
"la forme societarie sielte par Onde Furlane - la cooperative - e deve la pussibilitât di un control larc e condividût sul lavôr de radio, e e permeteve a plui int pussibile di jentrâi"
gjavât fûr di "Un Friûl difarent: i 90 mhz di Onde Furlane" di Max Mauro
"tal insium al somee che dut al ledi indenant cence che la volontât e vedi un control precîs de situazion"
gjavât fûr di "Il cjâf dai furlans" di Franc Fari
control s.m.
(con-trol)
Capacitât di contignîsi, di moderâ lis propriis reazions
sinonims
autocontrol
esemplis
"al è un scjaldinôs di chei, nol à un fregul di control"
control s.m.
(con-trol)
Capacitât di tignî vuardiât, di tignî sot dal podê di une fuarce o autoritât
sinonims
vigjilance, vuardie
esemplis
"oppida e castella invezit a jerin insediaments fortificâts, in gjenar in posizion strategjiche su çucs o ad alt, di là che al jere plui facil fâ la funzion di control dal teritori tor ator e su lis viis di comunicazion "
gjavât fûr di "Protostorie e storie romane in Friûl" di AAVV
"no dome il podê politic al restave tes mans des stessis personis, ma il control che a vevin sui paisans si faseve inmò plui fuart ancje in gracie de Vuardie Nazionâl"
gjavât fûr di "Cuintri dai siôrs e de Vuardie Nazionâl. Il prrin di Mai dal 1867 a Martignà" di Carli Pup
control s.m.
(con-trol)
Il menâ un veicul, une nâf, un avion o sim. doprant i comants
sinonims
paronance
esemplis
"sul bagnât si à di stâ plui atents a mantignî il control de machine"
control s.m.
(con-trol)
Podê di decision
esemplis
"o pretinderin di vê il control politic dal gjornâl"
gjavât fûr di "Memoriis di politiche linguistiche" di Adrian Cescje
control s.m.
(con-trol)
[CO] (tecn.) Dispositîf par verificâ e direzi il funzionament di un aparât
torne sù