SuperDizionari

cortesan adi.
(cor-te-san)

Di une cort, de vite de cort, di cui che al vîf intune cort

esempi

"il president de Provincie Venier al à fevelât par talian, come che a son usadis a fâ simpri lis autoritâts nostranis, cjapadis de culture cortesane"

da "Memoriis di politiche linguistiche" di Adrian Cescje

cortesan s.m.
(cor-te-san)

Zentilom di cort, intindût ancje in maniere negative par sotanance ae autoritât, ipocresie, supierbie e v.i.

esempi

"tancj esponents de nobiltât, pleâts e ridusûts a cortesans, a tacavin a bandonâ i lôr cjistiei trasferintsi in citât"

da "La cuintristorie de ocupazion veneziane" di Angelo Floramo

"e jo no, no pensi nuie / di vô bulo cortesan / o ai in cûl la vuestre entrade / us refudi il vuestri pan"

da "" di Popolâr

cortesan adi., s.m.
(cor-te-san)

Che, cui che al à manieris zentîls e finis, in câs ancje esagjeradis e ipocritis

sinonimi

civilut, distint, educât, garbât, graciât, manierôs, zentîl, zentilin

esempi

"al veve tal fâ chel piç di polegane, chês manierutis cortesanis, chê graciute femenine che al puarte il sô mistîr, di tratâ cun int di ogni fate, simpri a muse da ridi, daûr dal banc"

da "La aghe da pît la cleve" di Dino Virgili

monolingue