Tu âs cirût la peraule
monolengâl
torne indaûr

monolengâl

costruzion s.f.
(cos-tru-zi-on)
Ativitât dal fâ cun procediments complès e soredut dal fâ oparis di edilizie, inzegnarie, viabilitât e v.i.
sinonims
edificazion, erezion, fabricazion, fabriche
esemplis
"te costruzion de glesie di Sant Francesc de Vigne al ve une part significative Francesco Zorzi, autôr dal De harmonia mundi"
gjavât fûr di "Il brevet" di Mario Turello
"leçs locâls e nazionâls par regolâ la costruzion di fabrichis e i sistemis di riscjaldament"
gjavât fûr di "Modelistiche numeriche pe valutazion e gjestion de cualitât dal aiar" di Fulvio Stel, Daniele Goi, Dario Giaiotti
"la capacitât di ricuardâ il passât e di imagjinâ il futûr e je ae fonde di diviersis abilitâts cognitivis tipichis dai oms, come la costruzion di imprescj e la abilitât di contâ storiis"
gjavât fûr di "Neurosiencis dal dolôr" di Franc Fari
"al podè acetâ la ufierte di une societât triestine di direzi la costruzion de ferade Nabresine - Triest"
gjavât fûr di "Zuan Batiste Cavedalis - Une vite esemplâr" di Giovanni Pillinini
costruzion s.f.
(cos-tru-zi-on)
Opare edilizie o di inzegnarie o sim.
sinonims
cjasament, cjase, edifici, lûc, palaç, stabil
esemplis
"de vecje e grande vile fate sù par antîc, si jerin salvadis lis fondis, sfodradis di urtiis e di baraçs, e une part di costruzion basse e strete, lis stalis"
gjavât fûr di "A ôr dal flum" di Franca Mainardis
"dutis lis costruzions a jerin di un colôr ros modon, un pôc smavît dal timp"
gjavât fûr di "Il dolfin" di Carlo Sgorlon
"dopo un pâr di agns, co al finì il cors, al veve cuistât une buine cognossince dai stîi des costruzions "
gjavât fûr di "Il mâl dal mûr" di Lucio Perès
costruzion s.f.
(cos-tru-zi-on)
Zûc par fruts fat di piçui tocuts di len, plastiche o fier, di plui colôrs e doprâts par creâ modeluts, massime di edificis
esemplis
"il piçul Tunin al jere fer devant di chê grande costruzion fate cui modonuts Lego"
gjavât fûr di "Il palaç" di Checo Tam
costruzion s.f.
(cos-tru-zi-on)
(gram.) Disposizion dai plui elements di une proposizion o di une frase
esemplis
"un esempli di ricercje di une costruzion sintatiche interessante pe lenghe furlane, ven a stâi “daûr a” + infinît"
gjavât fûr di "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot
costruzion s.f.
(cos-tru-zi-on)
Il meti dongje alc di astrat e il so risultât (fig.)
esemplis
"al è in bulidure il dibatiment in cont de costruzion de Europe"
gjavât fûr di "Corsiche, Scozie, paîs Basc, Catalogne, Friûl... Europe" di Marc Stolf
"il concet di se al è une costruzion dal cerviel"
gjavât fûr di "La evoluzion dal cerviel e de cussience tai vertebrâts" di Franc Fari
torne sù