Tu âs cirût la peraule
monolengâl
torne indaûr

monolengâl

criùre s.f.
(cri-ù-re)
Frêt une vore fuart
esemplis
"a jerin i ultins di Zenâr. La criùre e jere simpri fuarte, ma za si visavisi che lis zornadis a jerin deventadis plui lungjis"
gjavât fûr di "Prime di sere" di Carlo Sgorlon
"Bernart al veve la muse ruane di frêt sot de barbe rare e dure. A restarin une ore a fevelâ par strade, te criùre"
gjavât fûr di "Frêt" di Agnul di Spere
"al cricave dì e la criùre de matinade mi sgrifignave la piel ancje se mi jeri vistût ben pesant"
gjavât fûr di "Ricuarts e inlusions" di Enrico Martina
criùre s.f.
(cri-ù-re)
Cuantitât masse piçule rispiet a ce che al covente, di bêçs o di cualsisei risorse o robe (fig.)
sinonims
mancjance, cjaristie, miserie, scjarsetât
esemplis
"agns di criùre in chê volte, cjârs i miei zovins! In chei dîs si cuistave dîs solts e tirâ sede e sbuentâsi li mans plenis di poleçs, sgobâ come mus chê pueri frutatis, da li sîs di matine fintramai a lis vot di sere"
gjavât fûr di "La furlane" di Dolfo Zorzut
"si cjatin in cunvigne tal dâi ae lenghe furlane la stesse percentuâl di belanç, ven a dî il 0,02%. Dipendial de criùre di bêçs o di une cuistion di mentalitât?"
gjavât fûr di "Une Regjon che i vûl mâl ae sô lenghe e ae sô autonomie" di Carli Pup
"di aghe, in Friûl, no ‘nt vin ancjemò criùre"
gjavât fûr di "B123ST" di Raffaele Serafini
criùre s.f.
(cri-ù-re)
Mancjance di cordialitât, di umanitât, di sperance e v.i. (fig.)
esemplis
"[te piture] une femine ben vistude e jere sentade a bevi di bessole, intal taulin vueit di une ostarie. Che cundut dai colôrs cjalts, si pues cjatâsi dentri de criùre dal vivi"
gjavât fûr di "B123ST" di Raffaele Serafini
detulis
"San Vicenç, grant criùre; Sant Laurinç, grant cjaldure: la une e la altre pôc e dure"
torne sù