SuperDizionari

critiche s.f.
(cri-ti-che)

[TS] (filos.) Facoltât inteletuâl che e permet di fâ judizis obietîfs di plui naturis o ancje l'esam rigorôs de reson su lis robis

esemplis

"meti a fûc la societât cui voi de critiche marxiste e postmarxiste"

gjavât fûr di "Instagram, il social che si impie cuant che il soreli al va a mont" di Matteo Baldan

"D'Aronco al è un om che al fâs un ûs preziôs de critiche, no dome cuant che al tache l'aversari di turni ma ancje cuant che al studie, al analize lis contradizions in cjamp amì"

gjavât fûr di "Auguris Professôr" di Dree Valcic

critiche s.f.
(cri-ti-che)

Analisi, interpretazion e judizi di un fenomen, spec. di oparis artistichis

esemplis

"dongje de storie dal film e dal so autôr, tal libri [...] si cjatin ancje riflessions di critiche cinematografiche"

gjavât fûr di "Il cine di Orson Welles disparît e tornât a saltâ fûr in Friûl" di Marc Stolf

"une esposizion di ideis che o presentìn ai nestris letôrs parcè che i fasin la critiche e che lis morestin"

gjavât fûr di "Moviment Autonomist Furlan pe Federazion dai Popui" di Josef Marchet

critiche s.f.
(cri-ti-che)

Il complès dai esperts che a dan opinions intun ciert cjamp

esemplis

"un regjist spagnûl une vore preseât dal public e de critiche"

gjavât fûr di "Profii_festival" di Fabian Ros

critiche s.f.
(cri-ti-che)

Osservazion negative o che e intint di corezi cualchi detai negatîf

sinonims

coment, condane, mende, rimarc, stocade, tamesade, tarizade

esemplis

"lis sôs a jerin poesiis umoristichis, legris e plenis di vite, a voltis satirichis, dispès cuntune vene di critiche moralistiche sui costums"

gjavât fûr di "Pre Zaneto" di Roberto Jacovissi

"nus covente une grande cjarie di umiltât par acetâ lis critichis che o mertìn"

gjavât fûr di "I furlans e la Vite Catoliche" di Riedo Pup

monolengâl