SuperDizionari

critiche s.f.
(cri-ti-che)

[TS] (filos.) Facoltât inteletuâl che e permet di fâ judizis obietîfs di plui naturis o ancje l'esam rigorôs de reson su lis robis

esempi

"meti a fûc la societât cui voi de critiche marxiste e postmarxiste"

da "Instagram, il social che si impie cuant che il soreli al va a mont" di Matteo Baldan

"D'Aronco al è un om che al fâs un ûs preziôs de critiche, no dome cuant che al tache l'aversari di turni ma ancje cuant che al studie, al analize lis contradizions in cjamp amì"

da "Auguris Professôr" di Dree Valcic

critiche s.f.
(cri-ti-che)

Analisi, interpretazion e judizi di un fenomen, spec. di oparis artistichis

esempi

"dongje de storie dal film e dal so autôr, tal libri [...] si cjatin ancje riflessions di critiche cinematografiche"

da "Il cine di Orson Welles disparît e tornât a saltâ fûr in Friûl" di Marc Stolf

"une esposizion di ideis che o presentìn ai nestris letôrs parcè che i fasin la critiche e che lis morestin"

da "Moviment Autonomist Furlan pe Federazion dai Popui" di Josef Marchet

critiche s.f.
(cri-ti-che)

Il complès dai esperts che a dan opinions intun ciert cjamp

esempi

"un regjist spagnûl une vore preseât dal public e de critiche"

da "Profii_festival" di Fabian Ros

critiche s.f.
(cri-ti-che)

Osservazion negative o che e intint di corezi cualchi detai negatîf

sinonimi

coment, condane, mende, rimarc, stocade, tamesade, tarizade

esempi

"lis sôs a jerin poesiis umoristichis, legris e plenis di vite, a voltis satirichis, dispès cuntune vene di critiche moralistiche sui costums"

da "Pre Zaneto" di Roberto Jacovissi

"nus covente une grande cjarie di umiltât par acetâ lis critichis che o mertìn"

da "I furlans e la Vite Catoliche" di Riedo Pup

monolingue