Tu âs cirût la peraule
monolengâl
torne indaûr

monolengâl

cuistion s.f.
(cuis-ti-on)
Il jessi un cuintri di un altri par diference di opinions, interès e v.i.
sinonims
litighe, radi, lote, lît, barufe, beghe, cantin, contrast, dadî, discussion, dispute, scuintri, tarlec, vertence, dissidie, tiche, criche
esemplis
"dopo setemanis di cuistions, che al mancjave nome che si metessin lis mans intor, a son rivâts a metisi dacordo"
gjavât fûr di "Il testament" di Pieri Menis
"Tilde e ste cuntune sô agne di Rivis Darcjan, vedrane, sûr di so pari. Ancje cheste cuntun caratar di spins e in fote cuintri dal fradi par vie di cuistions di ereditât"
gjavât fûr di "Trê feminis" di Gianni Gregoricchio
"se al veve simpri tasût al jere dome par odi aes cuistions… che a fruin simpri"
gjavât fûr di "Mabile la Lunghine" di Maria Forte
"chel vuarp cu za cjantà cun grêc latin / dei crots e des surîs la cuistion"
gjavât fûr di "Chel vuarp cu za cjantà cun grêc latin" di Nicolò Morlupin
Viôt ancje: cuestion, custion, costion
cuistion s.f.
(cuis-ti-on)
[TS] (dir.) Dubi di fat o di dirit che si met denant prin di scomençâ o intant di un procès
esemplis
"la difese e à tirât fûr une cuistion di competence dal tribunâl"
cuistion s.f.
(cuis-ti-on)
Argoment, materie che e domande un esam, une tratazion
sinonims
afâr, câs, cuesît, facende, materie, pont, probleme, sogjet, tematiche, teme, robe
esemplis
"i membris de comission a àn dirit di iniziative su ogni cuistion di competence dal consei"
gjavât fûr di "Statût dal Comun di Udin" di Aministrazion Publiche
cuistion s.f.
(cuis-ti-on)
Element, tiermin che al à a ce fâ, che al è intune cierte relazion cun alc altri
sinonims
afâr, câs, facende, materie, pont, probleme, alc, fat, teme, robe, storie
esemplis
"la «patrie» e je une cuistion di cûr e no di cerviel, di fede e no di reson: se si tire in bal il cerviel, al va dut in grum"
gjavât fûr di "La man e la arme" di Josef Marchet
cuistion s.f.
(cuis-ti-on)
Probleme di interès storic, politic, sociâl o culturâl une vore dibatût
sinonims
câs, afâr, probleme, problematiche
esemplis
"i doi poemis a son diferents ancje par ciertis carateristichis di stîl e di lenghe, tant che e je nassude, za in ete antighe, la famose cuistion omeriche"
gjavât fûr di "Jentrade de Odissee" di Sandri Carrozzo, Pierluigi Visintin
"la cuistion de lenghe no jere une bataie di pôcs fanatics, ma un fat sintût di tante int"
gjavât fûr di "Un Friûl difarent: i 90 mhz di Onde Furlane" di Max Mauro
torne sù