SuperDizionari

cuotidian adi.
(cuo-ti-di-an)

Di ogni dì, che al sucêt, che al passe, che al torne ogni dì

esemplis

"paronâ chescj fenomens che a son daûr a mudâ il nestri mût di intindi i spazis, i timps e parfin lis nestris necessitâts cuotidianis"

gjavât fûr di "Guide par un consum just e solidâl" di Buteghe dal Mont, Luche Nazzi

"cjapât dai impegns cuotidians, no podei sul moment fâ une ricercje e o pensai par intant di custodî il materiâl cun cure"

gjavât fûr di "Une lance langobarde cjatade a Baracêt" di Lucio Perès

cuotidian adi., s.m.
(cuo-ti-di-an)

Gjornâl publicât ogni dî

esemplis

"la politiche linguistiche de Arlef e à di fâ che dentri di cinc agns al circoli almancul un cuotidian dut in lenghe furlane"

gjavât fûr di "Memoriis di politiche linguistiche" di Adrian Cescje

"a vuê, il Primorski dnevnik al è l'unic cuotidian di riferiment pe comunitât slovenofone in Italie"

gjavât fûr di "I 70 agns di Primorski dnevnik, l’unic cuotidian par sloven stampât fûr dai confins de republiche" di Antonio Banchig

cuotidian s.m.
(cuo-ti-di-an)

Dome tal sing., il vivi di ogni dì, la esperience di ogni dì, soredut te sô normalitât o ancje banalitât

sinonims

cuotidianitât

esemplis

"a nô nus mancje chest timp di preparazion, il spazi e il distac tra la cuotidianitât e il moment straordenari de esperience religjose prime di tornâ tal cuotidian"

gjavât fûr di "Sant Jacum, là che al finìs il mont" di Antoni Beline

monolengâl