SuperDizionari

curiôs adi., s.m.
(cu-ri-ôs)

Che, cui che al à gole di savê, massime pal so gust o par peteçâ

sinonimi

atent, furcjumit, furighin, interessât, scrusignot

esempi

"o jeri une vore curiôs e o soi jentrât par viodi se la tô descrizion e jere juste"

da "Ricuarts e inlusions" di Enrico Martina

"il frut le cjalave dute cul voli curiôs come par induvinâ alc"

da "La aghe da pît la cleve" di Dino Virgili

"di glesie jessin fûr fra sbârs e ucadis / circondâts dai curiôs, che impazients / spietin la gnot par fâ lis lôr buladis"

da "La sdrondenade" di Pieri Çorut

curiôs adi.
(cu-ri-ôs)

Che al fâs vignî voie di savê di plui

esempi

"al è curiôs il fat che il sacut amniotic par furlan e in putropis lenghis al sedi calcolât propit tant che un vistît (par esempli cjamese par furlan e par talian, scufe par inglês e francês), il vistît che un al à intor prime di nassi"

da "Jenfri vîfs e muarts" di Sandri Carrozzo

curiôs adi.
(cu-ri-ôs)

Che al è fûr dal ordenari, che nol è normâl

sinonimi

balçan, baroc, buf, ecentric, estrôs, fûr dal vade, maturli, murlac, origjinâl, reful, ridicul, singolâr, strambalât, strani, particolâr, stramp

esempi

"tal 2001, al Premi Friûl, al à partecipât parfin un grup inglês, che al à presentât un toc par furlan, Fat ancjemò plui curiôs, l'autôr e cjantant al è un zovin inglês studiôs di lenghis romanzis"

da "Un Friûl difarent: i 90 mhz di Onde Furlane" di Max Mauro

"si emozionave di metisi a vaî tant che un disperât. Propit une robe curiose tun om cussì salt e ruspi"

da "Par stradis lungjis" di Alan Brusini

monolingue