Tu âs cirût la peraule
monolengâl
torne indaûr

monolengâl

dâ sù loc.v.
Dâ, passâ alc a cdn. che al è adalt
esemplis
"jo us cali jù e mi dais sù il formadi"
gjavât fûr di "La bolp e il lôf" di Luigi Gortani
dâ sù loc.v.
Fâ lâ une sostance, soredut un licuit, suntun materiâl
esemplis
"al veve tacât a piturâ i scûrs: a 'nd tirave jù un par volte, lu gratave e lu slissotave cu la cjarte di veri e i dave sù il vueli di lin"
gjavât fûr di "Cretevierte" di Roberto Ongaro
"si cjalin lis ongulis e si disin tra di lôr "Cjale ce biel colôr che o ai dât sù!""
gjavât fûr di "Sul florî" di AAVV
dâ sù loc.v.
Fâ vignî sù, fâ vignî fûr
sinonims
mandâ, dâ fûr, spandi
esemplis
"bute vuê, bute doman, i claps a derin sù une grande cumiere e cul lâ dal timp la cumiere e deventà une mont come che si dîs"
gjavât fûr di "La liende di Dimponç" di Josef Cjargnel
dâ sù loc.v.
Vignî sù, lâ sù, vignî fûr e v.i. ancje di alc di imateriâl
sinonims
vignî fûr, dâ fûr
esemplis
"cuant che si crôt di vê poiât par simpri te dismentie cierts fats de nestre vite, al capite alc che ju torne a fâ dâ sù"
gjavât fûr di "Il muc" di Roberto Ongaro
dâ sù loc.v.
Di nûi o temporâi, vignî cuintri di cui che al fevele o di un ciert pont di riferiment
esemplis
"se al deve sù il maltimp, e brusave l'ulîf su lis boris"
gjavât fûr di "I furlans e il timp" di Riedo Pup
dâ sù loc.v.
Di alcul o altri, vê efiet tal cerviel
esemplis
"in mieze ore al veve fat fûr mieç veri e i veve dât sù che mai"
gjavât fûr di "Pre Pitin" di Antoni Beline
dâ sù loc.v.
Fâ un sun o dî cun fuarce, cun enfasi, cun empit e v.i. (ancje ass.)
sinonims
dî fûr, dâ fûr
esemplis
"Ane i dave sù: "Alore ce aio di mangjâ? Lenghis di canarin?""
gjavât fûr di ""Nocent"" di Maria Forte
"«E cumò» al dave sù Bastian sentât di traviers sul jet [dal ospedâl] «par chê fote culì, un riçûl po, no vuelin molâmi! [...]»"
gjavât fûr di "Il malât di Cime Undis" di Alan Brusini
dâ sù loc.v.
Molâ une azion, une ativitât, un confront, un contrat e v.i.
esemplis
"Guri al veve dât sù il casel e al jere jentrât a vore in stazion grande"
gjavât fûr di "La aghe da pît la cleve" di Dino Virgili
"«Signôr che o mi sintîs, al pont che o sin, une des dôs: o mi mendais chei cuatri besteoi che mi fasin deventâ mat, o pûr jo o doi sù e o stoi a cjase»"
gjavât fûr di "Il muini" di Meni Ucel
""Momi al va vie, ise vere?" "O crôt di sì dal sigûr, cheste matine al à dât sù la cjamare, mi à paiât il contut dal lavâ la robe, al à fat sù e puartât vie la valîs [...]""
gjavât fûr di "Un pugn di moscjis" di Pieri Somede dai Marcs
torne sù