SuperDizionari

monolengâl

debit s.m.
(de-bit)

Impegn di dâ o tornâ bêçs a cdn. e sume di bêçs che si à di dâ o di tornâ a cdn.

esemplis

"no rivi plui a stâi dentri, fâ debits cu la bancje no je robe par me. E po, lis tassis! In curt, o moli dut e o voi sot paron"

gjavât fûr di "Delit in vie del Lavoro" di Igor Londero

"dopo cualchi an che o tignivi lis redinis dal comun, paiâts une vore di debits e metude in sest la casse, o vevi pensât di fâ lis scuelis gnovis a Pantianins"

gjavât fûr di "Lis scuelis e la nêf" di Pieri Somede dai Marcs

"al veve cjamât di un debit la sô cjasute"

gjavât fûr di ""Nocent"" di Maria Forte

debit s.m.
(de-bit)

Oblic, spec. morâl o juridic, di fâ alc par cdn., di tornâi un plasê e sim.

esemplis

"al bruntulave cragnôs, sot vie, ancje se al jere in debit di un plasê"

gjavât fûr di "Cjase di Dalban" di Maria Forte

"al veve di sigûr paiât, ancje cul interès, il debit di agrât che al veve fat agns indaûr in confront di Odile e de sô famee"

gjavât fûr di "Il sium di Lissandri" di Franca Mainardis

detulis

"a prometi al è un debit"

"cent oris di malinconie no pain un centesim di debit"

"cent pinsîrs no pain un debit"

"cu lis cjacaris no si paie debits"

"cuant che a son fats i debits, lis surîs no ju mangjin"

"cui che al à debit al à credit"

"cui che al paie debits al fâs capitâi"

"cui che nol à debits nol à nancje credince"

"cui che nol à debits nol è nancje un galantom"

"cuntun solt pocjis voltis si paie un debit"

"i debits che si fâs par bondance, si ju paie par cjaristie"

"i debits no si ju paie in chê dì che si ju fâs"

"in chê dì che si paie un debit si vierç un credit"

"mil fastidis no pain un debit"

"no si paie i debits in chê dì che si ju fâs"

"ogni promesse al è un debit"

"par debits no mi picjin e nancje in galere no mi metin"

"se tu fasis debits tu cuistis parons, se tu fasis credits tu pierdis amîs"

torne sù