Tu âs cirût la peraule
monolengâl
torne indaûr

monolengâl

decorazion s.f.
(de-co-ra-zi-on)
Azion di fâ deventâ plui biel, di zontâ o elaborâ elements che a àn dome une funzion estetiche
sinonims
bilisiament, ornament
esemplis
"Gustav Klimt e so fradi Ernst si son dedicâts tra il 1886 e il 1888 ae decorazion dal Burgtheater"
gjavât fûr di "Il teatri in Austrie: a Viene al è un plasê «lâ a cjistiel»" di Janez Erat
decorazion s.f.
(de-co-ra-zi-on)
Element o complès di elements par fâ biel
sinonims
bilisie, ornament
esemplis
"mobii interessants e preseâts, creps cjargnei dal Sietcent cun decorazions a man, e tancj altris tocs di valôr"
gjavât fûr di "Culturis" di Meni Ucel
"la decorazion e je semplice, te abside al è rafigurât un Crist che al benedìs cui simbui dai Cuatri evangjeliscj, intant che tal emicicli si viodin i Dodis apuestui"
gjavât fûr di "Storie de art in Friûl" di Bepi Agostinis
decorazion s.f.
(de-co-ra-zi-on)
Ricognossiment di un merit militâr o civîl
esemplis
"al à simpri fevelât braurôs des decorazions di onôr cjapadis dilunc la sô partignince al cuarp dai Vigjii dal Fûc"
gjavât fûr di "I pompîrs volontaris: l’element plui impuartant par garantî la sigurece de int ancje tai paisuts dispartâts" di Janez Erat
torne sù