SuperDizionari

definizion s.f.
(de-fi-ni-zi-on)

Sclariment precîs dai limits, des cualitâts, de nature di alc o di cdn.

esemplis

"resonâ su lis sieltis di autonomie catalane che e jere in plene fase di definizion te seconde metât dai agns 70"

gjavât fûr di "Memoriis di politiche linguistiche" di Adrian Cescje

"il comun al sigure la massime trasparence aministrative inte definizion dai criteris par conferî incarghis professionâls e assegnâ a impresis lavôrs e servizis"

gjavât fûr di "Statût dal Comun di Udin" di Aministrazion Publiche

definizion s.f.
(de-fi-ni-zi-on)

Descrizion curte e precise dal significât di une peraule

esemplis

"daûr de definizion weberiane, il stât al è chê istituzion che e à il monopoli de fuarce intun teritori stabilît"

gjavât fûr di "La invenzion dal stât" di Fabian Ros

"il manuscrit segnât Raetorom.Fol.14 (str BÖHMER 1885, p. 202) al puarte dôs vôs (cun cetantis sotvôs) di une cercje di dizionari furlan. [...] Par ogni vôs si dan la traduzion e la definizion par talian"

gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin

definizion s.f.
(de-fi-ni-zi-on)

[TS] (filos.) Operazion concetuâl e linguistiche di meti in relazion doi ogjets o concets, di mût che il prin al sei esplicât midiant dal secont

definizion s.f.
(de-fi-ni-zi-on)

[CO] (enigm.) Intes peraulis in crôs e sim., espression curte che e covente par fâ induvinâ la peraule di meti dentri de gridele

definizion s.f.
(de-fi-ni-zi-on)

[CO] (eletron.) Inte tecniche di elaborazion eletroniche des imagjins, grât di detai de riproduzion

sinonims

risoluzion

esemplis

"a son simpri pardut desenis di telefonuts cuntune videocjamare di alte definizion che a regjistrin dutis lis carognadis [de polizie] e lis metin in condivision daurman"

gjavât fûr di "La insurezion tai timps dal Samsung S10" di Sandri Carrozzo

monolengâl