Tu âs cirût la peraule
monolengâl
torne indaûr

monolengâl

delicatece s.f.
(de-li-ca-te-ce)
Il jessi fin, elegant
sinonims
finece, elegance
esemplis
"ae delicatece dal profîl de muse, a pene sfilât, i fâs cuintri la materialitât poderose dal sen discrotât e la curve feconde dai flancs"
gjavât fûr di "Storiis che a nassin di bleons e di maiis. Puartis viertis sui siums" di Angelo Floramo
delicatece s.f.
(de-li-ca-te-ce)
Il jessi sensibil
sinonims
finece, sensibilitât
esemplis
"cjalait ce tante delicatece inte liriche dediade ae mari muarte"
gjavât fûr di "Memoreant Tavan" di Laurin Zuan Nardin
delicatece s.f.
(de-li-ca-te-ce)
Atenzion tal tocjâ, tal lavorâ, tal tratâ
sinonims
prudence, rivuart, atenzion
esemplis
"chel fagot lunc involuçât tun sial che e puartave sui braçs cun delicatece come che e fos une relicuie"
gjavât fûr di "Anzule" di Pieri Somede dai Marcs
"cjapâlis sù [lis rosis] lontan di stradis incuinadis, tratâlis cun grande delicatece, resentâlis te aghe frede e suiâlis cence strucâ"
gjavât fûr di "Lis rosis tal plat" di Margherita Timeus
delicatece s.f.
(de-li-ca-te-ce)
At, compuartament, maniere di fâ che al mostre sensibilitât, creance, prudence e v.i.
sinonims
rivuart
esemplis
"vicinantsi a lui e doprant dute la gracie e la delicatece i disè: «Lu sai Toni, lu sai. Ma no stâ rabiâti [...]»"
gjavât fûr di "La cjase di Toni" di Tarcisio Venuti
"no rivavi a sopuartâlu, che o prossumavi, daûr di dute chê delicatece, un sintiment di dûl par me"
gjavât fûr di "Trê feminis" di Gianni Gregoricchio
"o feveli sclet come che al va fevelât cun int di piel dure, che no capìs delicatecis"
gjavât fûr di "Lis predicjis dal muini" di Josef Marchet
delicatece s.f.
(de-li-ca-te-ce)
Il jessi vulnerabil o ancje pericolôs, riscjôs
sinonims
criticitât
esemplis
"al baste chest dât par capî la delicatece de situazion"
gjavât fûr di "Puarte dal gas rus" di Renzo Balzan
delicatece s.f.
(de-li-ca-te-ce)
Robe di mangjâ une vore fine
sinonims
delizie, lechet
esemplis
"si gjolt la delicatece [il persut di Sant Denêl] taiade cul curtìs o cu la storiche taiadore rosse a manuele Berkel"
gjavât fûr di "Il viaç dal “Sant Denêl”" di Floriana Bulfon
torne sù