Tu âs cirût la peraule
monolengâl
torne indaûr

monolengâl

denant av., prep., adi.inv.
(de-nant)
De bande o te direzion che si cjale o che si va
sinonims
devant, indevant, indenant, par devant, par denant, devant di, denant di
esemplis
"siôr Agnul al segnà une crôs, par tiere, cul stombli de scorie, propit denant dai cjavai, cuant che a stavin par partî"
gjavât fûr di "Cjase di Dalban" di Maria Forte
"Tonin e Vigjut denant, la mame e il papà daûr, a levin jù pe strade dal mulinat"
gjavât fûr di "Nadâl ancje par Gjelmin" di Pieri Menis
"al scomence a tirâ vie la tiere cu lis talpis denant e po al tache a baiâ"
gjavât fûr di "Mariutine e i omenuts dal timp" di Gloria Angeli
Viôt ancje: nant, inant, inants, denants
denant av., prep., adi.inv.
(de-nant)
Inte part anteriôr di alc
sinonims
devant
esemplis
"il camion di Vera e dal Nino lu vuidin doi neris, cul casselot plen di talians, ma i vuidadôrs si inacuarzin che Vera e spiete, e cussì i fasin di mot che si senti denant cun lôr doi"
gjavât fûr di "Storie di Vera" di Ivano Urli
denant av., prep., adi.
(de-nant)
Intune posizion precedente
sinonims
devant, par devant, par denant, prime, prin, devant di, denant di, prime di, prin di
esemplis
"stant che une vore di varietâts che a cognossin lis vocâls lungjis no 'nd àn denant di -r finâl in putropis peraulis, o vin decidût di stabilî une grafie buine par ducj, segnant lis lungjis ta cheste posizion nome cuant che a son gjenerâls "
gjavât fûr di "La grafie furlane normalizade – Introduzion" di Xavier Lamuela
denant av., prep., adi.inv.
(de-nant)
Plui dongje e plui in viste rispiet a alc altri
sinonims
devant, devant di, denant di
esemplis
"altris paîs di là de flumere: piçadis di cjasis grimpadis te jerbe o, ancje, distiradis denant di grops di arbui"
gjavât fûr di "Ricuarts e inlusions" di Enrico Martina
denant av., prep., adi.inv.
(de-nant)
Dongje e in mût di cjalâsi un cun chel altri
sinonims
di face, di front, in face, cuintri, devant, di face di, di front di, in face di, cuintri di, devant di, denant di
esemplis
"e subita la rigjina da aganis a sta denant da Catinuta e la cjala fissa tai voi"
gjavât fûr di "Catinuta" di Ugo Pellis
denant av., prep.
(de-nant)
In presince di, inte situazion di vê di frontâ alc o cdn.
sinonims
devant, denant di, devant di
esemplis
"tropis voltis si isal cjatât a fâ i conts cu la morâl e la etiche denant de muart?"
gjavât fûr di "Interviste a Amato De Monte" di Christian Romanin
"no si rive a voltâ la muse se si à denant une femine cussì"
gjavât fûr di "Te vuate" di Michele Vuardianut Calligaris
"costret a presentâsi une altre volte denant dal Tribunâl di Udin"
gjavât fûr di "Madalene" di Franco Marchetta
denant av., prep., adi.inv.
(de-nant)
In posizion plui alte, impuartante e v.i. intune jerarchie, classifiche, scjale di valôrs e v.i.
sinonims
prin, prin di, prime, prime di, devant, devant di, denant di
esemplis
"il prin in classifiche al è devant dal secont par cuatri ponts"
denant av., prep., adi.inv.
(de-nant)
Tun moment precedent, prime inte sucession temporâl
sinonims
prin, prin di, prime, prime di, devant, devant di, denant di
esemplis
"a era usada a no levâ na fuea e nencja a imbastî na pensada denant domandâi a jê che a era la pi vecja"
gjavât fûr di "Li Anzuliti" di Novella Cantarutti
"li di siore Lise al jere stât un grant dafâ. Cualchi dì denant, dut un navigo par lustrâ la cjase"
gjavât fûr di "Cjase di Dalban" di Maria Forte
"o savevi che lis robis no saressin mai tornadis come denant"
gjavât fûr di "Il dolfin" di Carlo Sgorlon
"in chei dîs, denant Nadâl, nissun començave un gnûf lavôr"
gjavât fûr di "Il pignarûl" di Pieri Menis
denant av.
(de-nant)
In prospetive, tal futûr
esemplis
"se o vessin timp denant e no fossin in ritart rispiet a chei altris moviments autonomiscj in Italie, o podaressin lassâ timp al timp"
gjavât fûr di "Memoriis di politiche linguistiche" di Adrian Cescje
denant av.
(de-nant)
Cun preference, plui vulintîr
sinonims
pitost, prin, prime, devant
esemplis
"se si à di fâ chês codis in machine par lâ al mâr, denant o resti a cjase"
detulis
"a tignî i dincj denant de lenghe, al è simpri un bon consei"
"al vâl plui un lusôr denant che no cent daûr"
"cui che al fâs il cont denant l'ostîr lu fâs dôs voltis"
"denant da la ore ni che si nas ni che si mûr"
"denant da la ore no si po ni nassi ni murî"
"denant di maridâsi al pâr che al mancji alc, daspò al mancje dut"
"la nêf denant Nadâl e dure tant che l'açâl"
"la nêf denant Nadâl e fâs solâr"
"miôr i çafs daûr che no i predis denant"
"no bisugne meti il cjar denant dai bûs"
"scove denant de tô puarte"
"se a disin par denant, si sa difindisi; se a disin par daûr, i disin al cûl"
torne sù