SuperDizionari

difensôr adi., s.m.
(di-fen-sôr)

Che, cui che al difint cdn. o alc, ancje di imateriâl

esemplis

"la resistence [de fuartece di Osôf] e jere lade indevant il plui pussibil, ma tal Otubar i difensôrs a jerin ridots a la metât"

gjavât fûr di "Zuan Batiste Cavedalis - Une vite esemplâr" di Giovanni Pillinini

"[Antoni Savorgnan] Al devente une sorte di difensôr dal popul cuintri des prepotencis dai cjistielans, ancje se chê di Savorgnan no je gjenerositât: al è un calcul politic"

gjavât fûr di "I 500 agns dal riviel de Joibe Grasse" di Donato Toffoli

"no si po jessi difensôrs de vite e dai grancj principis e tratâ la int come fruts di scune"

gjavât fûr di "Salvâ l'embrion dal sintiment" di Antoni Beline

difensôr adi., s.m.
(di-fen-sôr)

[TS] (dir.) Avocat che al cure i interès di un acusât intune cause

esemplis

""La peraule al avocat difensôr!""

gjavât fûr di "Vieri e gnûf" di Pieri Piçul

"i difensôrs dai doi incriminâts a àn declarât: «Ammesso e non concesso» che lis iregolaritâts a sein stadis inmaneadis, si à di savê e pensâ che i doi sorestants no àn doprât i 240 miliarts par "fini personali""

gjavât fûr di "O un scherç o un scandul" di Riedo Pup

difensôr s.m.
(di-fen-sôr)

[TS] (sport) Zuiadôr o atlete che al zuie intune scuadre, cu la funzion principâl di impedî ai aversaris di segnâ

esemplis

"al veve cjapât bale su la trê cuarts liberantsi dal om, al veve fat cualchi metro e al si jere cjatât denant il mûr dai difensôrs metûts in linie dîs metros fûr de aree di rigôr"

gjavât fûr di "Adalt abàs" di Stiefin Morat

"une buine ocasion par Vlahovic, che nol rive a profitâ ad in plen di une bale zuiade mâl dai difensôrs blancs e neris"

gjavât fûr di "Cope Italie, l’Udin al piert tai timps suplementârs cuintri de Fiorentina" di Marc Stolf

monolengâl