SuperDizionari

difusion s.f.
(di-fu-si-on)

Il fat di slargjâsi o jessi slargjât, di cjatâsi plui dispès o suntune zone plui grande

sinonims

circolazion, comunicazion, divulgazion, espansion, proliferazion, propagazion, slargjament, trasmission

esemplis

"la difusion di chest stîl di vite citadin al riscje di scancelâ dal dut la impronte culturâl e dal paisaç contadin"

gjavât fûr di "Studi da la evoluzion dal paisaç mediant i toponims" di Rino Gubiani

"altris sindicâts di mosaiciscj e teracîrs a nassin tai Stâts Unîts dopo de difusion e dal consolidament dal setôr tra i agns Dîs e Vincj dal Nûfcent"

gjavât fûr di "La emigrazion dal Friûl - Vignesie Julie tai Stâts Unîts" di Javier Grossutti

"la presince de lenghe furlane tai orghins di informazion, e massime te forme scrite, [...] e jude po la difusion de alfabetizazion puartant fûr la lenghe furlane de suaze dome dal fevelâ"

gjavât fûr di "La lenghe furlane tai mieçs di comunicazion" di Erika Adami

difusion s.f.
(di-fu-si-on)

Propagazion intal spazi

esemplis

"la difusion di un sun intal aiar"

difusion s.f.
(di-fu-si-on)

[TS] (chim.) Moviment o traspuart di materie par vie di gradients diferents

esemplis

"l'azot in pression dentri la ampole al impedive, par un principi fisic statistic, al ossigjen di jentrâ dentri il volum de ampole o almancul di rindi plui lente la difusion"

gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

difusion s.f.
(di-fu-si-on)

[TS] (fis.) Fenomen che si à cuant che un rai di lûs, passant par une cierte superficie o traviers di un mieç particolâr, al ven rimandât in dutis lis direzions

esemplis

"come tal câs de difusion, la lûs laser e ven rifletude in maniere diferente cuant che si le fâs incidi su di un mieç rifratôr"

gjavât fûr di "La polarizazion de lûs" di Marisa Michelini, Alberto Stefanel

difusion s.f.
(di-fu-si-on)

[TS] (fis.) In fluidodinamiche, passaç di un fluit par un difusôr in mût di trasformâ la sô energjie cinetiche in pression

difusion s.f.
(di-fu-si-on)

[TS] (antrop.) Slargjament di un fenomen nassût intune piçule zone intune aree plui grande, par vie di migrazions e di imitazion

esemplis

"o viodìn ae fin dal IV mileni p. di C., la difusion de culture “ocidentâl” di Lagozza che a ven de Lombardie"

gjavât fûr di "La preistorie in Friûl" di Andrea Pessina, Gaetano Vinciguerra

difusion s.f.
(di-fu-si-on)

[TS] (econ.) Distribuzion di une ricjece, capitâl o redit tra un numar alt di sogjets, al contrari di ce che al sucêt cu la concentrazion

sinonims

deconcentrazion

monolengâl