Tu âs cirût la peraule
monolengâl
torne indaûr

monolengâl

dimostrâ v.tr.
(di-mos-trâ)
Fâ viodi, fâ capî une cualitât, une preparazion, une atitudin, une sensazion, un sintiment e v.i.
sinonims
dâ a diviodi, distaponâ, esprimi, fâ viodi, palesâ, pandi, rindi, mostrâ, produsi
esemplis
"o sin int che e sa dimostrâ ecelencis in dut il mont ma no sin tant brâfs di autopromovisi"
gjavât fûr di "Interviste a Amato De Monte" di Christian Romanin
"scomencìn noaltris a dimostrâ la buine volontât cuintri i reticolâts e lis stangjis"
gjavât fûr di "La cjase di Toni" di Tarcisio Venuti
"Lucia e veve dome che 33 agns: purtrop e dimostrave di vê 50"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"la mê ricognossince varai ben timp di dimostrâle "
gjavât fûr di "Co l'amôr al cimie" di Costantino Smaniotto
dimostrâ v.tr.
(di-mos-trâ)
Dâ une fonde salde e argomentade, dâ provis dal fat che alc al è vêr, just e v.i.
sinonims
aciertâ, argomentâ, certificâ, dedusi, documentâ, protestâ, testâ, testificâ
esemplis
"Michael Faraday al puarte a conclusion une schirie di esperiments che a dimostrin la pussibilitât di produsi energjie eletriche dal moviment di cjamps magnetics"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
"Hans Küng al veve scrit un libri di 945 pagjinis par dimostrâ la esistence di Diu"
gjavât fûr di "Spietant" di Agnul di Spere
dimostrâ v.tr.
(di-mos-trâ)
Partecipâ a un at public che al vûl fâ sintî une opinion, rivendicazion, volontât e v.i. (ass.)
sinonims
manifestâ
esemplis
"tai agns Setante miârs di furlans a àn dimostrât in place pe universitât a Udin"
torne sù