SuperDizionari

discrezion s.f.
(dis-cre-zi-on)

Capacitât di distingui, di capî, di judicâ

sinonims

criteri, judizi, sintiment

esemplis

"al va dit però che, tun lûc come il seminari, une buine preparazion culturâl, teologjiche e pastorâl e seti une condizion fondamentâl, di metile insieme cu la discrezion o disserniment"

gjavât fûr di "La fabriche dai predis" di Antoni Beline

discrezion s.f.
(dis-cre-zi-on)

Facoltât di sielzi, plene libertât, arbitri

sinonims

concet, criteri, judizi, sintiment

esemplis

"la Cjarte europeane, pe sô stesse struture e lasse une grande discrezion ai Stâts su la forme di tutele di meti in vore par ogni minorance"

gjavât fûr di "Une cjarte cuintrivierse" di Redazion Lenghe.net

discrezion s.f.
(dis-cre-zi-on)

Misure moderade, maniere di fâ delicade, rivuardose, massime tal domandâ, tal pandi o tal tignî segret

sinonims

misure, ritegn, rivuart

esemplis

"jo, par discrezion, no volevi profitâmi"

gjavât fûr di "Il dolfin" di Carlo Sgorlon

""Nol è facil vivi culì, dotôr. E vûl pazience e rispiet e un grum di discrezion""

gjavât fûr di "I forescj" di Alan Brusini, Gian Paolo Linda

monolengâl