SuperDizionari

dismovi v.tr.
(dis-mo-vi)

Fâ che cui che al duar si svei

sinonimi

dessedâ, discjantâ, disdurmidî, dissumiâ, disveâ, scjalterî, sveâ, sveuçâ

esempi

"nol rivave mai a durmî un sium vêr. Lu dismoveve a cinc a buinore l'infermîr che al vignive a misurâi la fiere; a siet e rivave la diplomade pes punturis"

da "Tal ospedâl" di Amedeo Giacomini

"tal vagon e jere pocje lûs e lui nol veve volût impiâ il lusôr eletric par no dismovi un vieli che al durmive"

da "Chê dì che al neveà a Vignesie" di Agnul di Spere

dismovi v.tr.
(dis-mo-vi)

Movi, meti in moviment alc

sinonimi

movi, scjassâ

esempi

"une bale [di sclope] e sfrosave tes fueis e po e bateve sul mûr dismovint une fumade di pulvin"

da "Devant di dut il cîl" di Dino Virgili

dismovi v.tr.
(dis-mo-vi)

Tirâ fûr un argoment, une cuistion, une situazion che aromai e jere acetade o almancul sopuartade o dismenteade (fig.)

sinonimi

movi, sveâ, disveâ

esempi

"parcè lâ a dismovi chestis robis? [...] No, no Tavin, no stin a lâ a dismovi il passât"

da "La aghe da pît la cleve" di Dino Virgili

"si jere stufât di stâ a contâ ogni volte che al vignive un parint o un amì la sô storie e a dismovi ogni volte chel torment di no savê nuie di Vigjute"

da "Sul agâr" di Pieri Menis

dismovi v.tr.
(dis-mo-vi)

Provocâ une reazion o un efiet (fig.)

sinonimi

causionâ, discjadenâ, disveâ, ecitâ, fâ nassi, produsi, movi, provocâ, scjaldâ, tiziâ, saborâ, cuziâ, sburtâ, pocâ, stiçâ, tirâ sù

esempi

"al pâr dal impussibil che une cuistion di interès e vebi di dismovi tante asse e tante rabie"

da "Lis predicjis dal muini" di Josef Marchet

"il timp no le bonave, ma i dismoveve pôris simpri gnovis su ce che al podeve nassi di piês"

da "Cjase di Dalban" di Maria Forte

monolingue