SuperDizionari

dissipâsi v.pron.intr.
(dis-si-pâ-si)

Lâ a pierdisi, lâ a sparî, lâ al mancul, pierdi di consistence e di definizion (ancje fig.)

sinonims

disfantâsi, disfumâsi, lâ vie

esemplis

"il sunsûr dai pas si dissipave ta chel fof di bombâs, e ancje lis vôs"

gjavât fûr di "Chê massanghe plui grande" di Maria Forte

"une part di chel che jo o jeri stât si jere dissipade tal nuie, une vore prin di rivà a madressi"

gjavât fûr di "Il dolfin" di Carlo Sgorlon

dissipâsi v.pron.intr.
(dis-si-pâ-si)

Vê un dam, lâ in piês, o ancje lâ di mâl

sinonims

disfâsi, lâ, slassâsi, pierdisi, ruvinâsi, vuastâsi, fraidîsi, infraidessi, infraidî, infraidîsi, lâ di mâl, laîsi, marcî

esemplis

"si sa che une cjase sierade e patìs, si dissipe"

gjavât fûr di "Cretevierte" di Roberto Ongaro

dissipâsi v.pron.intr., v.pron.tr.
(dis-si-pâ-si)

Fâsi un dam, soredut fisic

sinonims

fiscâsi, vuastâsi, ruvinâsi

esemplis

"o ai scugnût intardâmi cul frut di Toful Brian, che si è dissipât un braç culà jù, su la crosere de strade gnove"

gjavât fûr di "Lis predicjis dal muini" di Josef Marchet

"il cont Nardon, par esempli, saldo a Vignesie a dissipâsi la salût e la sostance cul zûc e cu lis sioris"

gjavât fûr di "Par stradis lungjis" di Alan Brusini

monolengâl