SuperDizionari

disvilupâ v.tr.
(dis-vi-lu-pâ)

Puartâ indenant, fâ lâ indevant

sinonims

svilupâ, cressi, incressi

esemplis

"lis risorsis necessariis par disvilupâ azions di planificazion linguistiche"

gjavât fûr di "Memoriis di politiche linguistiche" di Adrian Cescje

disvilupâ v.tr.
(dis-vi-lu-pâ)

[BF] Vê tant che efiet, fâ nassi, fâ cressi

sinonims

fâ, produsi, dâ, svilupâ

esemplis

"che a sedin storiis grandis o piçulis chês che si contin, nome il timp al è in stât di dî ce che al pues disvilupâ un sens par chei che a vegnin dopo"

gjavât fûr di "Un Friûl difarent: i 90 mhz di Onde Furlane" di Max Mauro

disvilupâ v.tr.
(dis-vi-lu-pâ)

Tratâ un argoment in maniere articolade

sinonims

davuelzi, svilupâ, tratâ, frontâ, disglagnâ

esemplis

"lis trê sezions permanentis [dal museu] a disvilupin chestis tematichis [...]"

gjavât fûr di "Il Museu de Art dai faris e dai curtissârs di Manià" di Elena Zanussi

disvilupâ v.tr.
(dis-vi-lu-pâ)

[TS] (fotogr.) Otignî la imagjin di une pelicule midiant di sostancis che a fasin reazion (ancje ass.)

sinonims

svilupâ

esemplis

"i plaseve fotografâ. No dome. [...] Al disvilupave ancje lis peliculis"

gjavât fûr di "La vuere di Checo" di Checo Tam

monolengâl