SuperDizionari

domande s.f.
(do-man-de)

Frase dite o scrite cun chê di cirî di savê o di vê alc

esempi

"cemût si imparial il lengaç? Cheste e je une domande ancjemò vierte"

da "Speculazions su la origjin dal lengaç" di Giacomo Rizzolatti, Laila Craighero

"la domande se al esist un Diu no va indreçade a lis siencis che no àn une rispueste"

da "Recension di La scienza non ha bisogno di Dio" di Lorenzo Marcolini

"un cuistionari a stampe cun vincjecinc domandis che a van di chês su lis tradizions popolârs a chês su la emigrazion, la agriculture, e v.i."

da "Il lunari mai jessût - Tellini te prime vuere mondiâl" di Donato Toffoli

"ce domandis di fâmi! "

da "Il muc" di Roberto Ongaro

domande s.f.
(do-man-de)

Il presentâ un document a un ufici, a une autoritât e v.i. par otignî alc, e il document che si presente par chel fin

sinonimi

istance, petizion

esempi

"presentâ une domande di pension di vuere"

da "Dirits" di Meni Ucel

"dispatriâts che a fasin domande di asîl "

da "Nissun pericul dai forescj" di Guglielmo Pitzalis

domande s.f.
(do-man-de)

[TS] (econ.) Complès di bens o di servizis che i coventin a cui che al compre, in oposizion a ufierte

esempi

"al sucêt che par cierts prodots e sei une vore di domande rispiet ae cuantitât e ae cualitât de produzion: la concorence tra impresis no je o e je par une dade di timp limitade e scjarse"

da "Liniis di storie sociâl e economiche dal Friûl 1500 – 1800" di Adrian Cescje

domande s.f.
(do-man-de)

Dibisugne coletive (fig.)

sinonimi

cuistion, istance

esempi

"rispuindi a la domande educative di un numar cressint di fruts cun profîi culturâls e linguistics diviers e complès"

da "Educazion plurilengâl tes scuelis furlanis" di Alessandra Burelli

"la facende linguistiche identitarie no jere cussì semplice come la domande de Universitât o de Regjon Friûl, e tocjave sensibilitâts profondis"

da "Memoriis di politiche linguistiche" di Adrian Cescje

monolingue