SuperDizionari

dopo av., prep., adi.inv.
(do-po)

Plui tart, tun moment, tun timp sucessîf, ancje cun riferiment a une sucession plui ideâl che cronologjiche o ancje fasint intindi un rapuart di cause e efiet

sinonimi

daspò, daûr, po dopo, po

esempi

"mi cjante tal cûr la viere storie par latin di Pauli di Cividât: «... sù pes corints dal Tiliment e Ruvigne; sù par Osôf...». Plui di mil agns dopo o cjanti par furlan la vilote dal Tiliment"

da "La vilote dal Tiliment" di Dino Virgili

"a vevin simpri alc ce dîsi, e che, dopo miezore di fevelâ fis fis, si lassavin cu la impromesse: «Ti contarai…»."

da "Il cicin" di Meni Ucel

"i dîs dopo il vecjo marangon lu clamà ancjemò par dâi lavôr"

da "Prime di sere" di Carlo Sgorlon

"i dulivin tes comissuris come dopo di un grant strapaç"

da "Tal ospedâl" di Amedeo Giacomini

dopo av., prep., adi.inv.
(do-po)

Plui inlà tal spazi, intun lûc sucessîf

sinonimi

daûr, daspò, po dopo, po

esempi

"dopo fats uns cincuante chilometris, l'altiplan plac e monoton al ven rot di cualchi culine"

da "La emigrazion dal Friûl - Vignesie Julie in Argjentine e in Uruguay" di Javier Grossutti

"dopo beorcjis di stradis di altris paîs, di altris campagnis, tal plan grant, e jere la citât: Udin, dal biel cjistiel"

da "La aghe da pît la cleve" di Dino Virgili

dopo av., prep., adi.inv.
(do-po)

Intune posizion sucessive o secondarie intune scjale di valôrs

sinonimi

daûr, daspò, po dopo, po

esempi

"pai furlans, prime e je la cjase, e subit dopo, come lûcs che no si po fâ di mancul, impuartants e di scugnî vê, a son la glesie e la stale"

da "I furlans e la stale" di Riedo Pup

dopo av.
(do-po)

Par segnâ il passaç a un gnûf argoment o element (enf.)

sinonimi

daspò, po dopo, po

esempi

"chest il resonament dai favorevui: intant no son spesis.[...] Ma dopo e je une altre reson plui impuartante che la operazion [dai pompîrs par salvâ une passare] e je positive. Si trate di une azion zentîl, delicade, di bon cûr"

da "La passare di Dedeà" di Riedo Pup

dopo coniun.
(do-po)

Par introdusi aversativis

sinonimi

daspò, po, po dopo, po daspò, par altri, ma, però, cun dut achel

esempi

"jo ti ai dite ce che mi pararès miôr, dopo viôt tu"

monolingue