SuperDizionari

torne indaûr

monolengâl

doprâ v.tr.
(do-prâ)

Fâ che alc, massime une part dal cuarp o un imprest, al fâsi la sô funzion, par vê un risultât

sinonims

impegnâ, impleâ, tratâ, utilizâ

esemplis

"“Cjartute” al à une grande passion: al dopre lis fuarpiis di sô mari par taiâ lis figuris dai gjornâi"

gjavât fûr di "Cjartute" di Checo Tam

"e veve une gracie dute particolâr tal movisi, tal doprâ lis mans, tal fâ lis piçulis robis di ogni dì"

gjavât fûr di "Il sium di Lissandri" di Franca Mainardis

"filtris polarizadôrs (filtris Polaroid), vonde difondût e doprâts pai ocjâi di soreli"

gjavât fûr di "La polarizazion de lûs" di Marisa Michelini, Alberto Stefanel

Viôt ancje: dropâ, doperâ

doprâ v.tr.
(do-prâ)

Meti a pro une risorse

sinonims

fâ reonâ, impleâ, meti a pro, meti in vore

esemplis

"dal 1946 lis Nazions Unidis a meterin sù une Comission che e studiàs in ce maniere che si podevin eliminâ lis armis atomichis e doprâ la energjie nucleâr par ûs pacifics"

gjavât fûr di "Un mont cence armis nucleârs. Sfidis sientifichis e tecnologjichis" di Alessandro Pascolini

"dilunc la roie a son 7 mulins e doi a son ancjemò in funzion ancje se a doprin la fuarce eletriche e no chê de aghe"

gjavât fûr di "Studi da la evoluzion dal paisaç mediant i toponims" di Rino Gubiani

doprâ v.tr.
(do-prâ)

Meti in vore alc di imateriâl (fig.)

sinonims

cjapâ, cjapâ sù, cjoli, lâ daûr di, meti adun, meti sù, sielzi

esemplis

"il podê politic al à doprât une tatiche plui cuvierte, al à spiât ai studiôs lis rispuestis che plui i varès plasût sintî"

gjavât fûr di "Il cjâf dai furlans" di Franc Fari

"sedi chei di çoc materialist che i idealiscj a dopravin i stes argoments par dimostrâ un une teorie e un la teorie ledrose"

gjavât fûr di "L'om che al pierdeve pinsîrs pe strade" di Fabian Ros

"doprant dute la pazience che al veve dentri vie, chel siorut al cirì di convinci Toni "

gjavât fûr di "La cjase di Toni" di Tarcisio Venuti

doprâ v.tr.
(do-prâ)

Zovâsi de utilitât dal jutori di cdn. o di un animâl par otignî un risultât, par rivâ a une cierte finalitât

sinonims

impleâ, ricori, usufruî

esemplis

"al tacave la strade a pît par lassâ il cjaval al famei che lu doprave pai cjamps"

gjavât fûr di "Cjase di Dalban" di Maria Forte

doprâ v.tr.
(do-prâ)

Vê sessualmentri cdn. (pop.)

sinonims

fotâ, sfotâ, foti, taconâ

esemplis

"l'ideâl al sarès rivâ a clonâ une Cicciolina par doprâle ogni tant, sì… no simpri… se no si fruie"

gjavât fûr di "Sense" di Checo Tam

doprâ v.tr.
(do-prâ)

Imbroiâ o meti intune situazion negative, procurâ dam (fig.)

sinonims

fâ sù, inculâ, infenoglâ, buzarâ, strabuzarâ, taconâ, freâ, freolâ, imbolognâ, fraudâ, imbroiâ, ingjanâ, raspâ, intorteâ, intortolâ

esemplis

"lui cu la sô muse a ponte nus fâs di sì cul cjâf, ma si viôt che al pense ad altri, cun chei voi che a vualmin a drete e a çampe. Al pâr che al disi: me no mi doprais, une ostie"

gjavât fûr di "Un dai pôcs" di Alan Brusini

detulis

"bisugne savê doprâ il len par nudrî la prole ben"

"cuant che no 'nd è, no si po doprânt"

"cuant che no si 'nd à, no si 'nd dopre"

"cuant che no zove la reson, si dopre il baston"

"cui che al à plui judizi, plui ind dopri"

"cui che le à le dopre"

"cui che nol à creance, no bisugne doprâle"

"dopre prudence par cui che no 'nd à"

"il pari bon al dopre il baston"

"la creance bisugne savê doprâle cuant che e covente"

"la prudence e je di cui che le dopre"

"no je brie a doprâ, e je a mantignî"

"par vivi a lunc covente doprâ scarpis vieris"

"si à di doprâ chel che si à prin di lagnâsi di ce che nus mancje"

torne sù