SuperDizionari

duncje av., coniun.
(dun-cje)

Par dâ un sens di consecuence logjiche

sinonims

inalore, in sumis, par la cuâl, partant, cussì, si che duncje, alore, si che, cu la cuâl

esemplis

"[dal 951 al 1252] disesiet o disevot patriarcjis [...] a forin ducj todescs [...] La cort aquileiese e jere duncje formade, in buine misure, di elements todescs"

gjavât fûr di "Cuintristorie dal Friûl fin sot la Italie" di Josef Marchet

"[Malignani] al furnive corint eletriche ai filaments doprant batariis e une dinamo, duncje in corint continue"

gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

Viôt ancje: doncje, adoncje, aduncje

duncje av.
(dun-cje)

In conclusion, ae fin di alc, ancje in sens gjeneric e enfatic

sinonims

infin

esemplis

"ecoti doncja ai miei pîts, puar diau di Farc! e jo, sostignût sul me badîl, ti vadi contemplant"

gjavât fûr di "Il farc" di Giovanni Luigi Filli

duncje av., inter.
(dun-cje)

Par sierâ, tacâ o tornâ a tacâ un discors

sinonims

alore, ben, si che duncje, po ben

esemplis

"spiçait ben lis orelis e stait atents a dut ce che o dîs, parcè che a mi no mi plâs di spiegâ lis robis dôs voltis. Duncje, tun paisut vincj chilometris di chi, e di un precîs a Çoris, e je une casermute di republichins [...]"

gjavât fûr di "Il muc" di Roberto Ongaro

""E trops a 'nd aial [di fîs]?" "Doi, siore: un mascli e une femine. [...]" "Un par sorte, duncje? Ce fortunât..!""

gjavât fûr di "Trê feminis" di Gianni Gregoricchio

monolengâl