SuperDizionari

durece s.f.
(du-re-ce)

Il vê une cierte resistence ae pression, aes incisions, al tai e sim.

sinonims

compatece, fissum, saldece

esemplis

"i someave che ogni robe che al tocjave e fos come di bombâs; nol sintive la forme, nol sintive la durece"

gjavât fûr di "La tiere di Lansing" di Maria Forte

durece s.f.
(du-re-ce)

Disposizion o maniere di fâ che no je temperade di comprension e atenzion viers chei altris o che e je fintremai violente (fig.)

sinonims

crudece, cruditât, garbure, inclemence, rigôr, sgrimie, tristerie, severitât

esemplis

""Dulà lavistu? … Ce âstu non?" i domandà cence durece"

gjavât fûr di "Sul agâr" di Pieri Menis

"o crôt che, in gracie de sô sensibilitât pe musiche e pe poesie [...] al vedi morestade la durece dal imperadôr, doprant savietât e ecuilibri"

gjavât fûr di "Paulin, amì dal imperadôr jenfri Rome e Aquilee" di Diego Navarria

durece s.f.
(du-re-ce)

Mancjance di elasticitât, di naturalece, di fluiditât (ancje fig.)

esemplis

"[Visintin] al veve ametût par scrit ciertis “durecis” [te traduzion], ma rispiet ae impuartance e ae bielece dal so lavôr, un public onest al sarà dal sigûr pazient"

gjavât fûr di "Note dal curadôr ae traduzion dal Infier di Dante" di Sandri Carrozzo

durece s.f.
(du-re-ce)

[TS] (chim.) Concentrazion di calci e magnesi ta la aghe

monolengâl