SuperDizionari

dât s.m.

Piçul toc cubic di len, vues o altri materiâl, che al à segnât un numar di un a sîs par ognidune des sôs bandis e che si dopre par diviers zûcs

sinonims

dadul

esemplis

"butâ i dâts"

"une scomesse a dâts"

"alc di misteriôs nol dismeteve mai di sbati i dâts tal bussulot, e di butâju sul tapêt vert dal timp"

gjavât fûr di "Ombris tal infinît" di Carlo Sgorlon

"si usave tant a zuiâ cu lis coculis, cui dâts, di gjate vuarbe, di cucuc, cu la bale, cui cjaruçs, a pâr e dispar, e soredut cun tancj zuiatui fats propit dai fruts"

gjavât fûr di "Protostorie e storie romane in Friûl. Il gno cuader di lavôr" di Paola De Monte, Mirta Faleschini

dât s.m.

Cualsisei piçul ogjet di forme plui o mancul cubiche

sinonims

dadul, cubi

dât s.m.

[CO] (tecn.) Ogjet metalic spec. di forme cuadrade o esagonâl li che si invide une vît par fâ un bulon

sinonims

bulon

esemplis

"strenzi il dât cu la clâf inglese"

dât s.m.

Preparât industriâl fat cun estrat di cjar o jerbis, droghis e v.i., confezionât in tocs cubics, o ancje in polvar, doprât par fâ brût o par dâ savôr a mignestris, cuincis e v.i.

sinonims

glutamât

esemplis

"[ingredients pal risot di sclopit] 300 gr di pontis di sclopit, dôs fueis di salvie, 20 gr di spongje 300 gr di rîs, brût bulint trop che al baste (ancje di dât), formadi gratât e sâl"

gjavât fûr di "Jerbis salvadiis inte cusine furlane" di Giorgio Pascoli

monolengâl