SuperDizionari

ecuilibri s.m.
(e-cui-li-bri)

Posizion, cundizion o facoltât che e permet a alc o a cdn. di restâ sù, di no colâ

sinonims

belançament, stabilitât

esemplis

"si plee dute di une bande, a piart l'equilibri e po dopo: crac ... a si sinte su la sporte"

gjavât fûr di "Miei prime" di Lucia Scoziero

Viôt ancje: cuilibri

ecuilibri s.m.
(e-cui-li-bri)

Situazion li che plui elements o fuarcis contrariis o diviersis si belancin, a stan dongje o insiemi cence disarmoniis (fig.)

sinonims

armonie

esemplis

"un ecuilibri dispès dificil tra la voie di jessi libars e chê di produsi consens su cuistions specifichis che a tocjin ducj"

gjavât fûr di "Un Friûl difarent: i 90 mhz di Onde Furlane" di Max Mauro

"si varès di cirî di realizâ un just ecuilibri tra identitât e universalitât"

gjavât fûr di "Autonomie e democrazie, i numars de Socializazion umane" di Franc Fari, Eric Pascul

ecuilibri s.m.
(e-cui-li-bri)

Stabilitât mentâl e emotive

esemplis

"il gno ecuilibri sui rapuarts cu la vite al jere deventât plui balarin che mai"

gjavât fûr di "Trê feminis" di Gianni Gregoricchio

ecuilibri s.m.
(e-cui-li-bri)

Maniere di fâ o di jessi misurade, adatade

sinonims

misure, moderazion, sintiment

esemplis

"no mi pâr che Clare e vebi mancjât di cuilibri cun nissun..."

gjavât fûr di "Vieri e gnûf" di Pieri Piçul

monolengâl