Hai cercato la parola
monolingue
Torna indietro

monolingue

eletric adi.
(e-le-tric)
Che al rivuarde la eletricitât
esempi
"in Regjon o vin 188 implants idroeletrics par 0,5 GW di potence instalade e 1800 GWh prodots al an: il 18% di dute la produzion eletriche regjonâl"
da "Autonomie energjetiche nol vûl dî autarchie" di Matteo Mazzolini
"misurâ la ativitât eletriche dal cerviel"
da "Il cjâf dai furlans" di Franc Fari
eletric adi.
(e-le-tric)
Di aparât, che al funzione cu la energjie eletriche
esempi
"un campanel eletric"
da "Nadâl ancje par Gjelmin" di Pieri Menis
"dongje de cjadree dal nono a son la stue a gas e il termosifonut eletric, che cuant che si lu pie al fâs odôr di metal"
da "Il piçul ream" di Spirt Anonim
"si veve fat mâl taiant lens cu la see eletriche"
da "Tal ospedâl" di Amedeo Giacomini
eletric adi.
(e-le-tric)
Che al è intun stât di agjitazion, tension, gnervôs e v.i. (fig.)
sinonimi
gnervin, gnervôs, infogât, spasimât, tirât, frenetic, imboreât, imboreçât, incuiet, malcuiet, smaniôs
esempi
"tra i invidâts e jere une atmosfere eletriche"
eletric adi.
(e-le-tric)
Di colôr, fuart, lusint come chel des faliscjis che si pues produsi cuntune scosse eletriche
esempi
"pomodoros sglonfs di ros e di lûs, pevarons di un vert eletric o cualchi çate di indivie clare cui ôrs inriçâts"
da "Cjase di Dalban" di Maria Forte
eletric adi.
(e-le-tric)
Dal colôr blu, de tonalitât tipiche des tutis dai eletriciscj
eletric s.m.
(e-le-tric)
Passaç di eletrons dilunc i fîi de rêt di distribuzion eletriche che al permet di fâ lûs cu lis lampadinis o di movi motôrs eletrics
sinonimi
eletricitât, fuarce eletriche, lûs, corint, energjie eletriche, corint eletriche
esempi
"il contat al fâs saltâ l'eletric, al sune l'alarme"
da "Storie di Min" di Ivano Urli
"si à di spiegâ se il fûc al è fûc di lens o di gas o di eletric"
da "Censiment" di Josef Marchet
"i vignì sù un grop tal cuel, cussì violent che si è scossât dut, come se al ves tocjât eletric"
da "Un macet di sanmartinis" di Pieri Menis
eletric s.m.
(e-le-tric)
Scosse eletriche, massime in comparazions che a vuelin pandi une fuarce vive e gnervose (fig.)
esempi
"si sintive, come un eletric, la presse ligriose di chei umign che a tiravin dongje la puare robe di puartâ a cjase"
da "La tiere di Lansing" di Maria Forte
"Guri al slungjave la man sot la plete, a cirîle; jê si sintive il grim a buiâ, come un eletric"
da "La aghe da pît la cleve" di Dino Virgili
Torna in Cima