SuperDizionari

emission s.f.
(e-mi-ssi-on)

Il mandâ fûr e ce che al ven mandât fûr

sinonimi

jessude

esempi

"al è stât instalât un sisteme di filtrazion dal aiar par ridusi la emission radioative"

da "Il disastri de centrâl nucleâr di Fukushima Dai-ichi" di Alessandro Pascolini

"la soluzion juste e sarès stade chê di limitâ lis emissions no dome di solfar ma ancje di anidride carboniche"

da "Clime e incuinament: prime l'ûf o la gjaline?" di Dario Bianchini Giaiotti, Fulvio Stel

emission s.f.
(e-mi-ssi-on)

Il produsi e il consegnâ un document legâl

esempi

"letaris che no si cjatin tal alfabet de lenghe italiane, e che fin cumò no vignivin ricognossudis dal sisteme centralizât comunâl pe emission dai documents"

da "Cjartis di identitât bilengâls tal Comun di Gurize" di Alessio Potocco

emission s.f.
(e-mi-ssi-on)

Il produsi e il meti ator valôrs, tant che monedis, boi, titui di bancje e v.i. e i valôrs stes che a vegnin produsûts e metûts ator

esempi

"il re al mandarà fûr une serie di edits par limitâ la emission di bêçs de bande dai barons"

da "La invenzion dal stât" di Fabian Ros

"l'aniversari de adesion al euro al è stât celebrât in Slovenie ancje cu la emission di une monede di 2 euros che e figure sul daûr dîs cisilis"

da "Al è pôc preseât in Italie, ma in Slovenie si fâs fieste pal Euro" di Alessio Potocco

monolingue