SuperDizionari

energjie s.f.
(e-ner-gji-e)

Fuarce fisiche

sinonims

gnerf, potence, prestance, vigôr, fuarce

esemplis

"a Udin e je stade une biele partide, soredut parcè che la scuadre di balon furlane e à zuiât cun snait, cun voie e cun energjie"

gjavât fûr di "Udinese – Inter 1-2" di Marc Stolf

energjie s.f.
(e-ner-gji-e)

Decision, fermece di caratar

sinonims

bugade, buride, decision, determinazion, empit, fermece, fogôr, fuarce, pols, risoluzion, snait, tignince, viamence, vigôr, vivôr

esemplis

"[Antoni Zanon] al crodeve che la industrie de sede e podès strissinâ la economie des campagnis cul arlevament dai cavalîrs. Si batè par chest obietîf cun energjie e convinzion"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

energjie s.f.
(e-ner-gji-e)

[TS] (filos.) Te filos. aristoteliche, principi de forme, dal at, in oposizion ae potence, ae materie

energjie s.f.
(e-ner-gji-e)

(fis.) Grandece fisiche che e misure il lavôr che un sisteme al pues davuelzi e che e à la dimension dal prodot de fuarce pe lungjece

esemplis

"il Principi di Ecuivalence al dîs che dutis lis formis di energjie (e di materie) a interagjissin te stesse maniere cu la gravitazion"

gjavât fûr di "Teologjie algjebriche" di Sergio Cecotti

energjie s.f.
(e-ner-gji-e)

[TS] (chim.) Te sience de alimentazion, cuantitât potenziâl di energjie termiche contignude intun aliment

esemplis

"svariant e cumbinant il plui pussibil lis diviersis mangjativis al è il mût plui facil e sigûr par garantî un apuart adeguât di energjie e di sostancis"

gjavât fûr di "Mangje san 1" di Guglielmo Pitzalis

monolengâl