SuperDizionari

esam s.m.
(e-sam)

Considerazion atente e analitiche di cdn. o di alc

sinonims

analisi, investigazion, indagjin, scandaiade, scrutini, scandai, stime, studi, valutazion

esemplis

"i soldâts vevin menât in cjascjel una famea di singars, che justavin cjalderiis di ram dongja l'Isuns, incolpâts da la int di vê massât l'abreo par robâigji i solts. Ma i judis, dopo cuindis dîs di esams , vevin fats molâ fûr parsè vevin savût discolpâsi"

gjavât fûr di "Il lusôr di luna" di Ranieri Mario Cossâr

"no mi sint ancjemò pronte par frontâ l' esam dai agns de mê union cun Silvio"

gjavât fûr di "Trê feminis" di Gianni Gregoricchio

esam s.m.
(e-sam)

Verifiche par valutâ lis competencis di cdn.

sinonims

prove, verifiche

esemplis

"no vevi propri voie di studiâ. / Cussì rivave la ore del esam / e jo mi levi a scuindi, / o pûr restavi là come un salam / sence savê respuindi"

gjavât fûr di "Zuanut, co levi a scuele" di Pieri Çorut

"fra un pâr di mês al fâs l'esam di lauree"

gjavât fûr di "A ducj i coscj" di Vittorio Vittorello

esam s.m.
(e-sam)

[TS] (sient.) Analisi di une sostance, di un campion biologjic, di un orghin e v.i., par valutâ proprietâts, verificâ funzions, cjatâ patologjiis e v.i.

sinonims

analisi

esemplis

" al veve scrit ducj i esams di fâ: radiografiis, tomografiis, ecografiis [...]"

gjavât fûr di "L'om che al pierdeve pinsîrs pe strade" di Fabian Ros

"Zornadis disvoiadis, in spiete, ore de punture, ore di une pirule, ore di un esam. Tant che jessi intun mont di bombâs, spetatôr di te, dal to cuarp che salacor al nascuint une brute robe che no perdone"

gjavât fûr di "Gotis" di Giuliana Pellegrini

monolengâl