SuperDizionari

estension s.f.
(es-ten-si-on)

[BF] L'estindi, l'estindisi e il lôr risultât

sinonimi

dilatazion, espansion, slargjament, slungjament, sprolungjament

esempi

"la estension di un elastic"

estension s.f.
(es-ten-si-on)

Dimension di alc tal spazi o tal timp o ancje intun cjamp logjic, di competence e v.i.

esempi

"il Comun di Sante Marie nol à simpri vude la estension ch'al à cumò"

da "Sante Marie, Merêt e Roncjetis" di Laurin Zuan Nardin

"no si po dî cun sigurece di ce nature e cun ce estension che e fos cheste jurisdizion"

da "Cuintristorie dal Friûl fin sot la Italie" di Josef Marchet

estension s.f.
(es-ten-si-on)

Part, dade di timp, ambit logjic o sim. che si slungje in continuitât rispiet a cdn. o a alc.

esempi

"al dopre la ghitare come se e fos une estension dal so cuarp"

da "Stiefin Wilson" di Checo Tam

estension s.f.
(es-ten-si-on)

Aplicazion a alc di gnûf o a un cjamp gnûf o plui larc

esempi

"la idee dal “Principi di Ecuivalence” e je une estension dal “Principi di Inerzie”"

da "Teologjie algjebriche" di Sergio Cecotti

estension s.f.
(es-ten-si-on)

[TS] (mus.) Interval tra la note plui alte e chê plui basse che un strument o une vôs a puedin emeti

esempi

"al cjante l'arion. / Ce brio! Ce intonazion! / Ce fuarce! Ce estension!..."

da "Il mascalzon" di Pieri Çorut

"il tin whistle (feadóg o feadóg stáin par gaelic) [...] al è un flaut fat di late o di len e cuntune estension di dôs otavis"

da "Cuant che ancje il strument al è difarent" di Matteo Fogale

estension s.f.
(es-ten-si-on)

[TS] (inform.) Indicadôr che al ven dopo un pont te denominazion di un file, che al segne ce sorte di file che al è

esempi

"lis fotografiis a puedin jessi a colôrs o in B/N, in formât digjitâl o analogjic digjitalizât cun estension .jpg o .jpeg"

da "Prin Concors internazionâl di fotografie “LA (TÔ) PATRIE DAL FRIÛL… INTUN CLICK”" di Redazion La Patrie dal Friûl

estension s.f.
(es-ten-si-on)

[TS] (cosm.) Zonte di cjavei naturâi o artificiâi che si tachin ai cjavei di une persone

monolingue