SuperDizionari

esterni adi.
(es-ter-ni)

Che al è fûr, che si viôt sul difûr, che al à a ce fâ cul difûr

sinonims

difûr, fûr, infûr, par fûr, par difûr

esemplis

"la part esterne de citât, intun ciert sens, e je il biliet di visite pal turist"

gjavât fûr di "Passât gloriôs, avignî dubiôs" di Luca Zoratti

"il vescul Elie (571‑586 ), al à alçât dut l’edifici e al à ristruturât sedi la part interne sedi chê esterne"

gjavât fûr di "Storie de art in Friûl" di Bepi Agostinis

"e' àn scugût puartâlu jù par une scjale esterne"

gjavât fûr di "Scaiis" di Vico Bressan

esterni adi., s.m.
(es-ter-ni)

Che, cui che nol è membri di une organizazion, di une struture di vore e sim.

sinonims

di difûr, difûr

esemplis

"une di chês che a fasin lis puliziis tes fabricutis che a dan a esternis chel gjenar di lavôrs"

gjavât fûr di "Delit in vie del Lavoro" di Igor Londero

"il probleme al è che cui che al rive di difûr (espert esterni) al à di inserîsi dentri di un cuadri orari za formât"

gjavât fûr di "Furlan a scuele: la peraule ai insegnants" di Oscar Puntel

esterni s.m.
(es-ter-ni)

Part difûr

sinonims

fûr, par fûr, difûr

esemplis

"[la cjase] e à il zardin biel grant, e je intune zone trancuile, e plâs la forme dal esterni"

gjavât fûr di "Ristruturâ o fâ sù gnûf? Ce costial di plui?" di Valentina Pagani

esterni s.m.
(es-ter-ni)

Ambient difûr, tant che ambient di interazion o tant che spazi viert fûr di une costruzion o di une struture

esemplis

"intun stât di disabilitât grivie, il pazient ancje se cun grandis dificoltâts, al pues vê une interazion cul esterni"

gjavât fûr di "Interviste a Amato De Monte" di Christian Romanin

esterni s.m.
(es-ter-ni)

[TS] (sport) Tal sport dal balon, cui che al zuie suntune fasse laterâl dal cjamp

sinonims

ale

esemplis

"l’Udin al fâs zirâ bale cun Walace che, denant de difese, al coordene lis operazions, slargjant il zûc in direzion dai esternis Srtyger Larsen e Molina"

gjavât fûr di "Crotone – Udinese 1-2" di Marc Stolf

monolengâl