SuperDizionari

fantasime s.f.
(fan-ta-si-me)

Anime di un muart

sinonimi

comparence, ombre, spirt, parence

esempi

"i viei a contin che prin dal Concei di Trent e jere dute une sdrume di danâts, spirts e fantasimis che a torzeonavin pal mont a messet dai vîfs"

da "Batistute" di Josef Cjargnel

"i pareve che il linzûl si movès… come se di front di lui e fos une fantasime…"

da "La trombe" di Checo Tam

fantasime adi.inv.
(fan-ta-si-me)

Che nol esist plui, che nol esist, che al è di chel altri mont e v.i.

esempi

"ciertis gnots e sintive ancje cualchi glon che l'aiar al robave ae cjampane fantasime dal imbarcjadôr"

da "Cjase di Dalban" di Maria Forte

"il sunsûr nol jere vêr, al jere di une caroce fantasime"

da "Il dolfin" di Carlo Sgorlon

fantasime s.f.
(fan-ta-si-me)

Pinsîr, persone o situazion menaçose o displasevule che si cîr di ignorâ, ma che e torne simpri a saltâ fûr

esempi

"Jolande e fevelave dome di numars, di ipotechis e di spesis, ma tant jê che lui a sintivin che jenfri chês cjartis si movevin ancjemò lis fantasimis dal timp passât"

da "Prime di sere" di Carlo Sgorlon

"la idee che Nando al stave par strabalçâ tal matrimoni, no jere plui une fantasime cence pês, ma une veretât che e veve un non e une muse"

da "Cjase di Dalban" di Maria Forte

monolingue